അന്നുമുതലിന്നോളം തുടരുന്ന സാമൂഹ്യാവസ്ഥയുടെ നേര്‍ സാക്ഷ്യമാണ് ജയ് ഭീം. ഭരണകൂടത്തിന്‍റെ മര്‍ദ്ദകശക്തിയായ പോലീസ്. ദുര്‍ബ്ബലരും നിസ്വരുമായ മനുഷ്യരോട് എത്രമേല്‍ മനുഷ്യത്വരഹിതമായാണ് പെരുമാറുന്നതെന്ന ഓര്‍മ്മപ്പെടുത്തല്‍ കൂടിയാണ് ജയ്ഭീം എന്ന സിനിമ. സമൂഹമാധ്യമങ്ങളിൽ ഏറെ ശ്രദ്ധയാകര്ഷിച്ചുകൊണ്ടിരിക്കുന്ന തമിഴ് സിനിമയാണ് ജയ് ഭീം. സൂര്യ നായകനായി എത്തിയ സിനിമയിൽ മലയാളി താരങ്ങളായ ലിജി മോളും രജീഷ വിജയനും.

സൂര്യക്കൊപ്പം 'ജയ് ഭീം' എന്ന സിനിമയില്‍ വളരെ പ്രധാനപ്പെട്ട ഒരു കഥാപാത്രം ചെയ്യാന്‍ സാധിച്ചതിന്റെ സന്തോഷത്തിലാണ് നടി ലിജോമോള്‍ ഇപ്പോൾ. സിനിമയില്‍ സെംഗിണി എന്ന കഥാപാത്രത്തെയാണ് ലിജോമോള്‍ അവിസ്മരണീയമാക്കിയിരിക്കുന്നത്. സിനിമ മേഖലയില്‍ നിന്നുള്ളവരും പ്രേക്ഷകരും തന്നെ അഭിനന്ദിക്കാന്‍ വിളിക്കുന്നുണ്ടെന്നും വലിയ സന്തോഷം തോന്നുന്നെന്നും ലിജോമോള്‍ വ്യക്തമാക്കി.

ഇപ്പോഴിതാ നടി ജ്യോതികയുടെ വീഡിയോ സന്ദേശം തന്നെ ഞെട്ടിച്ചെന്നും ഏറെ സന്തോഷം തോന്നിയ അഭിനന്ദനം അതാണെന്നും ലിജോമോള്‍ വ്യക്തമാക്കി. തന്റെ വിവാഹദിവസം ഒരു അപ്രതീക്ഷിത സമ്മാനമെന്ന പോലെയാണ് സെംഗിണിയെ പ്രശംസിച്ചുള്ള ജ്യോതികയുടെ വീഡിയോ സന്ദേശം തനിക്ക് ലഭിച്ചതെന്നും ലിജോമോള്‍ പറഞ്ഞു.