അനു സിത്താരയുടെ തമിഴ് ചിത്രം വനം തീയറ്ററുകളിലേക്ക്, നവംബര് 26ന് തീയറ്ററില് റിലീസ് ചെയ്യും
അനു സിത്താരയുടെ തമിഴ് ചിത്രം വനം നവംബര് 26ന് തീയറ്ററില് റിലീസ് ചെയ്യും. റിലീസ് തീയതി അറിയിച്ചുകൊണ്ട് പോസ്റ്റര് പുറത്തുവിട്ടു. വനവാസികളുടെ ജീവിതമടക്കം പറയുന്ന ചിത്രമാണ് വനമെന്ന് ട്രെയിലറില് നിന്ന് വ്യക്തമാകുന്നു. വെട്രി ആണ് വനമെന്ന ചിത്രത്തില് നായകനായി എത്തുന്നത്. വനത്തില് പ്രധാനപ്പെട്ട ഒരു കഥാപാത്രമായി എത്തുന്ന അനു സിത്താരയെയും ട്രെയിലറില് കാണാം.
വിക്രം മോഹന് ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്.വനം എന്ന തമിഴ് ചിത്രം നിര്മിക്കുന്നത് ഗ്രേസ് ജയന്തി റാണി, ജെ പി അമലന്, ജെ പി അലക്സ് എന്നിവര് ചേര്ന്നാണ്. വെട്രിമാണി ഗണേശന് ആണ് ചിത്രത്തിന്റെ ആര്ട് ഡയറക്ഷന് നിര്വഹിക്കുന്നത്. സംഭാഷണം ഐസക് ബേസില്.
ഒരു ഇന്ത്യന് പ്രണയകഥയെന്ന ചിത്രത്തിലൂടെ കുട്ടിത്താരമായി എത്തിയ അനു സിത്താര ക്യാമ്പസ് ഡയറി, അനാര്ക്കലി, രാമന്റെ ഏദന്തോട്ടം, സര്വോപരി പാലക്കാരി, പടയോട്ടം, ഒരു കുട്ടനാടന് ബ്ലോഗ്, ക്യാപ്റ്റന്, ഒരു കുപ്രസിദ്ധ പയ്യന്, നവല് എന്ന ജ്വവല്, തുടങ്ങിയവയില് നായികയായും അല്ലാതെയും മികച്ച വേഷങ്ങളില് തിളങ്ങി.
https://www.facebook.com/Malayalivartha
