തെന്നിന്ത്യൻ താരം നാഗചൈതന്യയും സാമന്തയും തമ്മിലുള്ള വിവാഹ മോചനം കഴിഞ്ഞിരുന്നു.വിവാഹ ബന്ധം വേർപ്പെടുത്തിയതിനെ കുറിച്ചുള്ള വെളിപ്പെടുത്തൽ പുറത്ത് വരികയാണ്. നാഗചൈതന്യയുമായുള്ള വിവാഹ മോചനം മാനസികമായി തകർക്കുമെന്ന് ചിന്തിച്ചിരുന്നു. മരിച്ചു പോകുമോ എന്ന് ഭയന്നിരുന്നു. വിവാഹമോചന സമയത്ത് മാനസിക വെല്ലുവളികൾ നേരിട്ടു. പക്ഷേ അദ്ഭുതമെന്നോണം വിവാഹ മോചനത്തിനു ശേഷം കൂടുതൽ ആത്മവിശ്വാസമുള്ളവളായി മാറി.

സാമന്ത പറയുന്നത് ഇങ്ങനെ; ഇന്ന് നിങ്ങൾക്ക് മോശം ദിവസമായിരിക്കാം. ജീവിതത്തെ സംബന്ധിച്ച് എന്തെങ്കിവും കാര്യങ്ങൾ നിങ്ങളെ അസ്വസ്ഥപ്പെടുത്തുന്നുണ്ടാകാം. പക്ഷേ, ഈ സമയവും കടന്നു പോകും എന്നു ചിന്തിക്കുക. ആ ചിന്തയോടെ പ്രശ്നങ്ങളെ അഭിമുഖീകരിച്ചാൽ പകുതി ആശ്വാസം ലഭിക്കും . ചിലപ്പോൾ യാഥാർഥ്യങ്ങളെ അംഗീകരിക്കാൻ ബുദ്ധിമുട്ടുണ്ടാകും. 

അങ്ങനെ വരുമ്പോൾ പ്രശ്നങ്ങൾ കൂടുതൽ സങ്കീർണമായേക്കാം. ദിവസങ്ങളോളം നമ്മൾ ഈ പ്രശ്നങ്ങളോട് പോരാടേണ്ടി വരും. പോരാട്ടത്തിന് ഒടുവിൽ ഇത് നമ്മുടെ പ്രശ്നമാണെന്നും പരിഹരിക്കേണ്ടത് നമ്മൾ തന്നെയാണെന്നും ബോധ്യപ്പെടുകയും ചെയ്യും . അപ്പോൾ അതനുസരിച്ചു മുന്നോട്ടു പോകുക . എന്റെ ജീവിതം മുന്നോട്ടു കൊണ്ടുപോകേണ്ടത് എന്റെ ആവശ്യമാണ് എന്നറിയുക .

സ്വകാര്യ ജീവിതത്തിൽ നേരിടുന്ന എല്ലാ ബുദ്ധിമുട്ടുകളെയും ഉൾക്കൊണ്ടു തന്നെ ജീവിതം മുന്നോട്ടു കൊണ്ടുപോകുക . എത്രത്തോളം കരുത്തയായ സ്ത്രീയായി മാറി എന്നോർത്ത് ചില നേരങ്ങളിൽ തനിക്ക് തന്നെ അദ്ഭുതം തോന്നി . അതിലേറെ അഭിമാനവും ഉണ്ട്. ‌ജീവിതത്തിൽ ദുർബലയായ വ്യക്തിയാണെന്ന ചിന്ത എനിക്കുണ്ടായിരുന്നു. വിവാഹമോചനത്തെ തുടർന്ന് മാനസികമായി തകർന്ന് മരിക്കുമെന്നു കരുതി.

എന്നാൽ എത്രത്തോളം ശക്തയായ സ്ത്രീയാണ് ഞാനെന്ന് ഇപ്പോൾ എനിക്ക് ബോധ്യമാകുന്നു. ഇപ്പോഴുള്ള എന്നെ കുറിച്ചോർത്ത് എനിക്ക് വളരെ അഭിമാനമാണെന്ന് സാമന്ത പറയുന്നു. ഒക്ടോബർ രണ്ടിന് സാമന്തയും നാഗചൈതന്യയും പരസ്പര സമ്മതത്തോടെ വിവാഹ മോചന അപേക്ഷ നൽകി . വിവാഹ മോചനത്തിന്റെ നടപടിക്രമങ്ങൾ കോടതിയിൽ നടക്കുകയാണ്. സാമന്തയ്ക്കെതിരെ പലരീതിയിൽ ആരോപണങ്ങൾ പ്രചരിക്കുകയുണ്ടായി . സാമന്തയുടെ വിവാഹേതര ബന്ധം,ഗർഭച്ഛിദ്രം നടത്തി ഇങ്ങനെ നിരവധി ആക്ഷേപങ്ങൾ പ്രചരിച്ചിരുന്നു.