തന്നിന്ത്യൻ പ്രശസ്ത നടൻ മാധവൻ ഇപ്പോൾ താമസം ദുബായിലാണ്. പലർക്കും, താരം ദുബായിലേക്ക് താമസം മാറ്റിയതിന്റെ പിന്നിലെ രഹസ്യം അറിയില്ല. തന്റെ ജീവിതത്തിലെ തന്നെ ഒരു പ്രധാനകാര്യത്തിനുവേണ്ടിയാണ്, ദുബായിലേക്ക് താമസം മാറിയിരിക്കുന്നത്.

2026 ലെ ഒളിമ്ബിക്സിന് തയ്യാറെടുക്കുന്ന യുവതാരം വേദാന്തിന്റെ കരിയറില്‍ ശ്രദ്ധ കേന്ദ്രീകരിക്കുന്നതിനാണ് അച്ഛന്‍ മാധവനും താത്കാലികമായി ഇന്ത്യ വിടാന്‍ തീരുമാനിച്ചത്. ഇന്ത്യയില്‍ ഇപ്പോള്‍ സൗകര്യങ്ങളുടെ അഭാവമാണ് ഈ തീരുമാനമെടുത്തതിന് പിന്നിലെ കാരണം.

ദേശീയ നീന്തല്‍ ചാമ്ബ്യനാണ് വേദാന്ത്. മകന്‍ ഏറ്റവും വലിയ കായിക മത്സരത്തിന് തയ്യാറെടുക്കുമ്പോള്‍ അതിന് മികച്ച പിന്തുണയും, സൗകര്യവും ഉറപ്പ് വരുത്തണമെന്ന് അദ്ദേഹം ആഗ്രഹിച്ചു. മുംബൈയിലെ നീന്തല്‍ക്കുളങ്ങള്‍ ഒന്നുകില്‍ കൊവിഡ് കാരണം അടച്ചിരിക്കുന്നു അല്ലെങ്കില്‍ സൗകര്യങ്ങള്‍ കുറവാണ്. മകന്‍ ഒളിമ്പിക്സിനായി പ്രവര്‍ത്തിക്കുന്നു, മകനൊപ്പം മാധവന്റെ ഭാര്യ സരിതയും ദുബായിയില്‍ ഉണ്ട്.