സിനിമ പ്രേമികളുടെ മനം കവർന്ന താരജോഡികളാണ് വിജയ് ദേവരകൊണ്ടയും രശ്മിക മന്ദാനയും. അഭിനയം ജീവിതം തുടങ്ങിയപ്പോൾ മുതൽ ഇരുവരുടെയും പ്രണയബന്ധത്തെ കുറിച്ച് ആരാധകര്‍ക്കിടയില്‍ ഗോസിപ്പുകൾ പരന്നിരുന്നു. ഈ ഗോസിപ്പുകൾ നിലനിൽക്കവെയായിരുന്നു ഗീതാ ഗോവിന്ദം, ഡിയര്‍ കോമ്രേഡ് എന്നീ ചിത്രങ്ങളിൽ ഈ ജോഡികൾ ഒന്നിച്ച് എത്തിയത്.

ഇവരുടെ പ്രകടനവും അടുത്തടുത്ത സിനിമകളില്‍ ഒന്നിച്ച് എത്തുന്നതുമെല്ലാം ഇരുവരും പ്രണയത്തിലാണെന്ന പ്രേക്ഷകരുടെ ഗോസിപ്പുകളെ ഉറപ്പിക്കുന്നതായിരുന്നു. ഇരുവരും പ്രണയത്തില്‍ ആണെന്ന് ആരാധകര്‍ തെളിവുകൾ കണ്ടുപിടിച്ചു എന്ന രീതിയിലാണ് ഇപ്പോൾ സോഷ്യൽ മീഡിയയിൽ സംസാരങ്ങൾ നടക്കുന്നത്.

രശ്മികയും വിജയ്യും പ്രണയത്തിലാണെന്നും ഇരുവരും ഡേറ്റിംഗ് ചെയ്യുകയാണെന്നും തെളിയിക്കുന്ന തരത്തിലുള്ള ചിത്രങ്ങളും വീഡിയോകളും സമൂഹ മാധ്യമങ്ങളിൽ വന്നിരിക്കുകയാണ്. ഇരുവരുടേയും ഫോട്ടോ സോഷ്യല്‍ മീഡിയയില്‍ തരംഗമാകുന്നുണ്ട്. മാത്രമല്ല ഇവര്‍ പ്രണയത്തിലാണന്നുള്ള വാര്‍ത്തയും അതേ ചൂടോടെ മുന്നോട്ടു പോവുകയാണ്.

രശ്മിക നടന്‍ രക്ഷിത് ഷെട്ടിയുമായുള്ള എന്‍ഗേജ്മെന്റ് വേണ്ടെന്ന് വെച്ചിരുന്നു. അതിന് കാരണം വിജയ് ആണെന്ന് വാർത്തകൾ നേരത്തെ പരന്നിരുന്നു . മുംബൈയിലെ ഒരു റസ്റ്റോറന്റില്‍ ഇരുവരും ഒന്നിച്ച് ഡിന്നര്‍ കഴിക്കാനെത്തിയതിന്റെ ഫോട്ടോകൾ കൂടെ വൈറലായതോടെ കാര്യങ്ങൾ ഏതാണ്ട് ഉറപ്പിച്ച മട്ടാണ് .

എന്നാല്‍ വിജയ് തന്റെ നല്ലൊരു സുഹൃത്ത് മാത്രമാണെന്നാണ് രശ്മിക പറയുന്നത്. ആദ്യമുണ്ടായ ബ്രേക്കപ്പില്‍ നിന്നും തിരികെ എത്തുവാന്‍ ശ്രമിക്കുകയാണെന്നും രശ്മിക പറയുന്നത്.എന്നാല്‍ വിജയ്‌യുടെയും രശ്മികയുടെയും പുതിയ ചിത്രങ്ങള്‍ ശ്രദ്ധയില്‍പ്പെട്ടതോടെ, ഇനി എങ്കിലും ഈ ബന്ധം ഒഫീഷ്യല്‍ ആയി പറഞ്ഞു  കൂടെ എന്നാണ് ആരാധകർ  ചോദിക്കുന്നത്.