പുതിയതായി തെലുങ്കില് ഒരുങ്ങുന്ന ശ്യാം സിംഹ റോയി എന്ന സിനിമയുടെ റിലീസുമായി ബന്ധപ്പെട്ട് നടത്തിയ ഇന്റർവ്യൂവിൽ അവതാരകന്റെ 'ഹോട്ട്' ചോദ്യം; റൊമാന്റിക് രംഗങ്ങളില് അഭിനയിക്കുമ്പോള് കംഫര്ട്ടബിള് ആയിരുന്നോ? വാ അടപ്പിക്കുന്ന മറുപടിയുമായി സായി പല്ലവി; ആ വാക്കുകൾ ഏറ്റെടുത്ത് ആരാധകർ
'പ്രേമത്തിലൂടെ' മലയാളികളെ കയ്യിലെടുത്ത താരമാണ് സായ് പല്ലവി. ഇപ്പോൾ ഇതാ താരത്തിന്റെ ഒരു അഭിമുഖം വൈറലാകുകയാണ്. റൊമാന്റിക് രംഗങ്ങളില് അഭിനയിക്കുമ്പോള് കംഫര്ട്ടബിള് ആയിരുന്നോ എന്ന ചോദ്യത്തിന് സായി പൊട്ടിത്തെറിക്കുകയായിരുന്നു.
നാനി, കൃതി ഷെട്ടി എന്നിവര് പ്രധാന കഥാപാത്രങ്ങളെ അവതരിപ്പിക്കുന്ന സിനിമയിൽ സായി പല്ലവി നായിക ആയി എത്തിയിരുന്നു. ഈ സിനിമയുമായി ബന്ധപ്പെട്ട ചോദ്യത്തിനായിരുന്നു സായി പല്ലവിയുടെ മറുപടി.
അത്തരം രംഗങ്ങള് ചിത്രീകരിക്കുമ്പോള് ഞങ്ങള്ക്ക് അസ്വസ്ഥത അനുഭവപ്പെടാറില്ല. നിങ്ങള് ഇത്തരം ചോദ്യങ്ങള് ചോദിക്കുമ്പോള് മാത്രമാണ് ഞങ്ങള്ക്ക് അസ്വസ്ഥത തോന്നുന്നത് എന്നായിരുന്നു സായി പല്ലവി മറുപടി പറഞ്ഞത് .
സിനിമയില് ഞങ്ങള് പരസ്പരം ബന്ധപ്പെട്ടുള്ള കഥാപാത്രങ്ങളെയാണ് അവതരിപ്പിച്ചിരിക്കുന്നത്. അത്തരം രംഗങ്ങള് ചെയ്യുന്നതിന് ഒരു പ്രത്യേക മാനസികാവസ്ഥയുണ്ട്. സ്ക്രീനില് അഭിനേതാക്കളാണ്. എന്നാൽ ഇപ്പോഴാകട്ടെ സാധാരണ വ്യക്തികളാണെന്നും സായി പറഞ്ഞു. താരത്തിന്റെ ഈ പ്രതികരണം വൈറലായിരിക്കുകയാണ്.
അഭിനേതാക്കളോട് എന്താണ് ചോദിക്കേണ്ടതെന്നും എന്താണ് ചോദിക്കാതിരിക്കേണ്ടത് എന്നും അടിസ്ഥാനപരമായി ഒരു ധാരണ ഉണ്ടായിരിക്കണം എന്നും താരം അവതാരകനോട് പറയുകയുണ്ടായി. സായിയുടെ മലര് മിസ്സ് എന്ന കഥാപാത്രം വളരെ ജനപ്രീതി നേടിയിരുന്നു .
എല്ലാ സിനിമാ ഓഫറുകള്ക്കും തിരക്കഥ തിരഞ്ഞെടുത്ത് അഭിനയിക്കുന്ന താരമാണ് സായ് പല്ലവി. അധികം മേക്കപ്പോ, മേക്കോവറോ താരം കഥാപാത്രങ്ങള്ക്ക് വേണ്ടി നടത്താറില്ല .സായിയുടെ പുതിയതായി തെലുങ്കില് ഒരുങ്ങുന്ന ശ്യാം സിംഹ റോയി എന്ന സിനിമയുടെ റിലീസുമായി ബന്ധപ്പെട്ട കാര്യങ്ങള് പുരോഗമിക്കുമ്പോഴായിരുന്നു ഈ ഇന്റർവ്യൂ.
https://www.facebook.com/Malayalivartha
