ഷൂട്ടിംഗിനിടെ തമിഴ് നടന് വിശാലിന് പരിക്ക്. പുതിയ സിനിമയായ ലാത്തിയുടെ ചിത്രീകരണ വേളയിലായിരുന്നു സംഭവം. ചികിത്സയ്‌ക്കായി വിശാലും സംഘവും കേരളത്തിലേക്ക് പുറപ്പെട്ടുവെന്നാണ് റിപ്പോര്‍ട്ടുകള്‍.

താരം തന്നെയാണ് പരിക്കേറ്റ വിവരം സമൂഹമാദ്ധ്യമങ്ങളിലൂടെ അറിയിച്ചത്. ചിത്രത്തിന്റെ സംഘട്ടന രംഗം ചിത്രീകരിക്കുന്നതിനിടെയായിരുന്നു അപകടം. ആര്‍ട്ട് വിഭാഗം ഒരുക്കിയ സെറ്റിലേക്ക് ചാടുന്നതിനിടെ പരിക്കേല്‍ക്കുകയായിരുന്നു. നേരത്തെ വീരമേ വാഗൈ സൂടും എത്ര സിനിമയുടെ ഷൂട്ടിംഗിനിടയിലും വിശാലിന് പരിക്കേറ്റിരുന്നു.

ലാത്തിയില്‍ പോലീസുകാരന്റെ വേഷത്തിലാണ് വിശാല്‍ എത്തുന്നത്. എ. വിനോദ് കുമാറാണ് ചിത്രത്തിന്റെ സംവിധാനം.സുനൈന ആണ് നായിക. അതേസമയം വിശ്രമത്തിന് ശേഷം മാര്‍ച്ച്‌ ആദ്യവാരത്തോടെ തിരികെ സിനിമയുടെ ഭാഗമാകാന്‍ കഴിയുമെന്നാണ് പ്രതീക്ഷിക്കുന്നതെന്ന് വിശാല്‍ പറഞ്ഞു.