സംയുക്തയുമായി ആ ലിപ് ലോക്ക് സീനില് അഭിനയിച്ചു, പിന്നാലെ കൊവിഡ് പോസിറ്റീവ്; മന്മദ ലീലൈ സിനിമയിലെ ആ അനുഭവം തുറന്ന് പറഞ്ഞ് അശോക് സെല്വന്
മോഹന്ലാല് പ്രിയദര്ശന് കൂട്ടുകെട്ടില് പിറന്ന മരക്കാര് അറബിക്കടലിന്റെ സിംഹം എന്ന ചിത്രത്തില് അച്ചുതന് മങ്ങാട്ടച്ചന് എന്ന കഥാപാത്രത്തെ മലയാളികള് ഒരിക്കലും മറക്കില്ല. കഥയിലെ ട്വിസ്റ്റ് കൊണ്ടുവരുന്നൊരു കഥാപാത്രമാണത്. അതില് അച്ചുതന് മങ്ങാട്ടച്ചനായി അഭിനയിച്ചത്. തമിഴ് സിനിമാ താരങ്ങളില് ശ്രദ്ധേയനായ യുവ നടന് അശോക് സെല്വനായിരുന്നു. താരത്തിന് ഷൂട്ടിംഗിനിടെ സംഭവിച്ചൊരു അനുഭവം ഇപ്പോള് സോഷ്യല് മീഡിയയില് വലിയ ചര്ച്ചയാവുകയാണ്
ഏപ്രില് ഒന്നിന് റിലീസ് ചെയ്ത മന്മദ ലീലൈ എന്ന ചിത്രമാണ് അശോക് സെല്വന്റേതായി ഒടുവില് പുറത്തിറങ്ങിയത്.. ചിത്രത്തിന് മികച്ച അഭിപ്രായമാണ് ലഭിച്ചത്. വെങ്കട് പ്രഭുവിന്റെ സംവിധാനത്തിലൊരുങ്ങിയ 'മന്മദ ലീലൈ' അഡള്ട്ട് കോമഡി വിഭാഗത്തില്പ്പെടുന്ന ചിത്രമാണ്. ചിത്രത്തില് അശോക് സെല്വനും നായിക സംയുക്ത ഹെഗ്ഡെയും തമ്മിലുള്ള ലിപ്ലോക്ക് രംഗം സമൂഹ മാദ്ധ്യമങ്ങളില് വൈറലായിരുന്നു. ഇപ്പോള് ലിപ്ലോക്ക് രംഗത്തിന്റെ ചിത്രീകരണത്തെക്കുറിച്ച് തുറന്ന് പറയുകയാണ് അശോക്.
ചിത്രത്തില് സംയുക്ത ഹെഡ്ഹെയുമായുള്ള ഒരു ലിപ് ലോക്ക് സീന് ഉണ്ടായിരുന്നു. ആ രംഗം ചിത്രീകരിച്ച് കഴിഞ്ഞ ശേഷം തനിക്ക് ചെറിയൊരു ചൂട് അനുഭവപ്പെട്ടു. ടെസ്റ്റ് നോക്കിയപ്പോള് കൊവിഡ് പോസിറ്റീവായി. റിസള്ട്ട് വന്ന ഉടനെ ആദ്യം വിവരം അറിയിച്ചത് നടി സംയുക്തയെ ആണ്. എന്നാല് ഭാഗ്യത്തിന് സംയുക്ത ഉള്പ്പടെ സിനിമയുടെ സെറ്റില് ആര്ക്കും എന്നില് നിന്ന് രോഗം പടര്ന്ന് കിട്ടിയില്ലെന്നും അശോക് പറയുന്നു. വെങ്കട് പ്രഭുവിന്റെ കടുത്ത ആരാധകനാണ് താനെന്നും അതിനാലാണ് 'മന്മദ ലീലൈ' ഒരു പരീക്ഷണ ചിത്രമാണ് എന്ന് അറിഞ്ഞിട്ടും ഏറ്റെടുത്തതെന്നും അശോക് സെല്വന് പറയുന്നുണ്ട്. ചിത്രീകരണം പൂര്ത്തിയാക്കിയ ഹോസ്റ്റല് എന്ന പുതിയ സിനിമയുടെ റിലീസിന് വേണ്ടി കാത്തിരിക്കുകയാണ് താരം.
ഓ മൈ കടവുളെ എന്ന ചിത്രമാണ് അശോകിനെ ശ്രദ്ധേയനാക്കിയത്. പിന്നാലെയാണ് മോഹന്ലാല് പ്രിയദര്ശന് കൂട്ടുകെട്ടില് പിറന്ന മരക്കാര് അറബിക്കടലിന്റെ സിംഹം എന്ന ചിത്രത്തില് അച്ചുതന് മങ്ങാട്ടച്ചന് എന്ന വേഷം അവതരിപ്പിച്ചുകൊണ്ട് മലയാളത്തിലും അരങ്ങേറ്റം കുറിച്ചത്.
https://www.facebook.com/Malayalivartha
