തെന്നിന്ത്യയില്‍ മാത്രമല്ല മലയാളത്തിലും പ്രിയപ്പെട്ട നടനാണ് കമല്‍ഹാസന്‍. സകലകലാവല്ലഭനായ കമലഹാസന് ആരാധകരില്‍ ഏറെയും സ്ത്രീകളാണെന്നത് എല്ലാവര്‍ക്കും അറിയാം. ഇന്ത്യന്‍ സിനിമയില്‍ കമല്‍ഹാസന്‍ ചെയ്യാത്ത കഥാപാത്രങ്ങള്‍ ഇനി ഉണ്ടാവില്ല. കമല്‍ കിട്ടുന്ന എല്ലാ കഥാപാത്രങ്ങളും പരീക്ഷണതോടെ ചെയ്യുകയും അത് വിജയകരമാവുകയും ചെയ്യുന്നു. അവിടെയാണ് കമലിന്റെ സിനിമാ ജീവിതത്തിലെ യഥാര്‍ത്ഥ വിജയം. ഒരു സിനിമയില്‍ തന്നെ ആറും ഏഴും കഥാപാത്രങ്ങളില്‍ അഭിനയിച്ച് ചരിത്രം സൃഷ്ടിച്ചിട്ടുണ്ട് ഈ നടന്‍.
എന്നാല്‍ ഈ പരീക്ഷണങ്ങളൊന്നും സ്‌ക്രീനില്‍ മാത്രം ഒതുങ്ങുന്നതല്ല. ജീവിതത്തിലും പരീക്ഷണങ്ങള്‍ നടത്താന്‍ ഒരു മടിയുമില്ല കമലിന്. ഇന്ന് താടിവച്ച മുഖമാണെങ്കില്‍ നാളെയത് ക്ലീന്‍ഷേവ് മുഖമായിരിക്കും. ഇതാണ് കമലിന്റെ സ്വഭാവം. ഇന്നലെ ഹൈദരാബാദില്‍ വച്ചുനടന്ന തൂങ്കാവനം എന്ന തന്റെ പുതിയ ചിത്രത്തിന്റെ പ്രൊമോഷന്‍ വേളയില്‍ പുതിയ രൂപത്തിലാണ് കമല്‍ എത്തിയത്. മീശപിരിച്ച് ഹാന്‍സം ലുക്കില്‍. കമലിനെ നേരിട്ട് കണ്ട പലരും ഒന്ന് അതിശയിച്ചു.
സ്ത്രീ ആരാധികമാരില്‍ പലരും കമലിനോട് ചോദിക്കുന്ന ഒരു ചോദ്യമാണ് ഇത്. കമലിന്റെ സൗന്ദര്യ രഹസ്യം എന്താണ്?. ഇത്രമാത്രം ഗ്ലാമര്‍ വയ്ക്കാന്‍ കമല്‍ എന്താണ് കഴിക്കുന്നത്?. എന്നാല്‍ കമല്‍ ഈ ചോദ്യത്തിനുള്ള മറുപടി നല്‍കുന്നത് ഇങ്ങനെയായിരിക്കും. സൗന്ദര്യമുണ്ടെങ്കില്‍ അതിന് പിന്നിലെ രഹസ്യം രക്ഷിതാക്കള്‍ തന്നെയാണ്. പാരമ്പര്യമായി കിട്ടുന്ന ഒന്നാണ് സൗന്ദര്യം. അല്ലാതെ ഭംഗി വരുത്തുന്നതിന് കടകളില്‍ കാണുന്ന ക്രീമുകള്‍, മറ്റ് വസ്തുക്കളോ ഉപയോഗിച്ചിട്ട് കാര്യമില്ലെന്നാണ് കമല്‍ പറയുന്നത്. മലയാളത്തിലും തമിഴിലും നിരവധി സിനിമകളില്‍ കമല്‍ ഹാസന്‍ അഭിനയിച്ച് കഴിഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha