കോളിവുഡിലെ ഏറ്റവും പുതിയ പ്രണയ പക്ഷികളാണ് ആദിയും നിക്കി ഗൽറാണിയും..കുറച്ച് വർഷങ്ങളായി പരസ്പരം ഡേറ്റിംഗിലായിരുന്ന ഇവർ കഴിഞ്ഞ മാർച്ച് 24 നാണ് തങ്ങളുടെ പ്രണയം ഔദ്യോഗികമായി പുറത്തു പറയുന്നത് . ഈ മാസം പതിനെട്ടിന് സിനിമ ഇന്‍ഡസ്ട്രിയിലുള്ളവരും അടുത്ത സുഹൃത്തുക്കളും ബന്ധുക്കളും പങ്കെടുക്കുന്ന ചടങ്ങിൽ ഇരുവരും ഒന്നിക്കും .

രാത്രി 11 മണിക്കാണ് മുഹൂര്‍ത്തം. സംഗീതവും മെഹന്തിയും പോലുള്ള വിവാഹത്തിന് മുമ്പുള്ള ചടങ്ങുകള്‍ രണ്ട് ദിവസം മുമ്പ് അവരുടെ വീടുകളില്‍ വെച്ച് നടത്തുന്നുമെന്നും അടുത്ത വൃത്തങ്ങള്‍ പറയുന്നു. ഹൈദരാബാദില്‍ കുടുംബമുണ്ടെങ്കിലും ആദിയും നിക്കിയും ചെന്നൈയില്‍ വിവാഹം നടത്താനാണു താല്‍പ്പര്യം പ്രകടിപ്പിച്ചത്

ആദിയുടെ അച്ഛൻ രവി രാജ പ്രശസ്ത സംവിധായകനും നിർമ്മാതാവുമാണ്. ആദിയും നിക്കിയും നിരവധി സിനിമകൾ ചെയ്തിട്ടുണ്ട്, മലയാളികള്‍ക്കും പ്രിയങ്കരിയായി മാറിയ താരമാണ് നിക്കി ഗല്‍റാണി. ആദിയുടെയും നിക്കിയുടെയും  കുടുംബങ്ങൾ  നേരത്തെ തന്നെ സൗഹൃദത്തിലായിരുന്നു. പ്രണയവാര്‍ത്തകള്‍ പ്രചരിച്ചപ്പോഴും ഇരുവരുടെയും കുടുംബങ്ങൾ  ഇതേക്കുറിച്ച് പ്രതികരിച്ചിരുന്നില്ല.

വിവാഹ നിശ്ചയ ചടങ്ങിൽ നിന്നുള്ള മനോഹരമായ ഫോട്ടോകൾ ഇൻസ്റ്റാഗ്രാം അക്കൗണ്ടിൽ പോസ്റ്റ് ചെയ്തിട്ടുണ്ട് .