വീട് റെയ്ഡിനെത്തിയ ഉദ്യോഗസ്ഥരെ സാമന്തയുടെ പിതാവും വീട്ടുകാരും ആക്ഷേപിച്ചു എന്നു വാര്‍ത്ത വന്നതിനു പിന്നാലെ വിശദീകരണവുമായി സാമന്തയുടെ അച്ഛന്‍ രംഗത്ത്. എല്ലാം വ്യാജവാര്‍ത്തകള്‍ എന്നാണ് അദ്ദേഹം പ്രതികരിച്ചത്. മാധ്യമങ്ങള്‍ പറയുന്നതല്ല സത്യം എന്റെ മകള്‍ നല്ലവളാണ്.

വിജയ്, നയന്‍താര, സാമന്ത എന്നിവരുടെ വസതികളില്‍ ആദായനികുതി വകുപ്പ് റെയ്ഡ് നടത്തിയെന്ന് കഴിഞ്ഞ ദിവസം വാര്‍ത്ത വന്നിരുന്നു. വിജയ് നായകനായ \'പുലി\' സിനിമയുടെ നിര്‍മാണത്തിനു കണക്കില്‍പ്പെടാത്ത പണം ഉപയോഗിച്ചെന്നും നികുതി വെട്ടിപ്പു നടത്തിയെന്നുമുള്ള പരാതിയിലാണു വിജയ്‌യുടെ വീട്ടില്‍ പരിശോധന നടത്തിയത്.
നയന്‍താരയുടെ കൊച്ചിയിലെയും തിരുവല്ലയിലെയും വസതിയിലും ചെന്നൈയിലെ ഫല്‍റ്റിലും റെയ്ഡ് നടന്നു. എന്നാല്‍ സാമന്തയുടെ പേര് ഇതില്‍ എങ്ങനെ വന്നുവെന്ന് അറിയില്ലെന്നും മാധ്യമങ്ങള്‍ വ്യാജവാര്‍ത്ത സൃഷ്ടിച്ചതാണെന്നും സാമന്തയുടെ പിതാവ് പറഞ്ഞു. സൂര്യ ചിത്രമായ 24ന്റെ ചിത്രീകരണത്തിനായി പോളണ്ടില്‍ ആണു സാമന്ത. കൃത്യമായി നികുതി അടയ്ക്കുന്ന ആളാണ് തന്റെ മകളെന്നും റെയ്ഡ് സംബന്ധിച്ച് വിശദമായ വിവരങ്ങള്‍ സാമന്ത വന്ന ശേഷം മാധ്യമങ്ങളെ അറിയിക്കാമെന്നും അദ്ദേഹം പറഞ്ഞു.  

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha