സൂര്യയ്ക്ക് ആരാധകരെന്നാൽ ഉയിർ...! അപകടത്തില്‍ പെട്ട് മരണമടഞ്ഞ തന്റെ ആരാധകന്റെ വീട് സന്ദര്‍ശിച്ച്‌ നടൻ സൂര്യ, ഛായാചിത്രത്തിന് മുന്നില്‍ അന്തിമോപചാരമര്‍പ്പിച്ചു, കുടുംബാംഗങ്ങളെ ആശ്വസിപ്പിച്ച് സഹായം വാഗ്ദാനം ചെയ്ത് തരത്തിന്റെ മടക്കം...!
തന്റെ ആരാധരെന്നാൽ നടൻ സൂര്യയ്ക്ക് ഉയിരാണ്. കടുത്ത ആരാധകരുമായി സമ്പര്‍ക്കം പുലര്‍ത്താന്‍ ഏതറ്റം വരെയും പോകുന്ന സെലിബ്രിറ്റിയാണ് സൂര്യ. കുറച്ച്‌ ദിവസങ്ങള്‍ക്ക് മുമ്പ് തമിഴ്‌നാട്ടിലെ നാമക്കലിലുള്ള സൂര്യയുടെ ആരാധകസംഘത്തിന്റെ സെക്രട്ടറിയായിരുന്നു ജഗദീഷിന്റെ വിയോഗവാര്‍ത്ത താരം അറിയുകയുണ്ടായി.
ജഗദീഷ് എന്ന 27 കാരനായ ആരാധകന്‍ അപകടത്തില്‍ പെട്ട് ആശുപത്രിയിലേക്കുള്ള യാത്രാമധ്യേ മരണത്തിന് കീഴടങ്ങുകയായിരുന്നു. ആരാധകന്റെ വിയോഗവാര്‍ത്ത അറിഞ്ഞ സൂര്യ നാമക്കലിലെ ജഗദീഷിന്റെ വീട്ടിലെത്തി അന്തിമോപചാരമര്‍പ്പിച്ചു.
ജഗദീഷിന്റെ ഛായാചിത്രത്തിന് മുന്നില്‍ പ്രാര്‍ത്ഥിച്ച അദ്ദേഹം കുടുംബത്തിന്റെ ആവശ്യങ്ങള്‍ നിറവേറ്റി സഹായിക്കുമെന്ന് വാഗ്ദാനം ചെയ്തു. ഏകദേശം അരമണിക്കൂറോളം സൂര്യ വീട്ടില്‍ കുടുംബാംഗങ്ങളുമായി സംസാരിച്ചുവെന്ന് റിപ്പോര്‍ട്ടുകള്‍ പറയുന്നു.സൂര്യ ജഗദീഷിന്റെ ഭാര്യക്ക് ജോലി നല്‍കാമെന്നും മകള്‍ ഇനിയയുടെ പഠനച്ചെലവുകള്‍ വഹിക്കുമെന്നും വാഗ്ദാനം ചെയ്തു.
കുടുംബത്തിന്റെ ഏത് ആവശ്യത്തിനും ഒപ്പം വേണമെന്ന് ആരാധക കൂട്ടായ്മയിലെ മറ്റ് അംഗങ്ങളോട് സൂര്യ അഭ്യര്‍ത്ഥിച്ചു.നേരത്തെ സൂര്യ പുതിയ സിനിമയ്ക്ക് വേണ്ടി നിര്‍മ്മിച്ച വീടുകള്‍ മത്സ്യത്തൊഴിലാളികള്‍ക്ക് നല്‍കിയത് ശ്രദ്ധേയമായിരുന്നു.കടലിന്റെ പശ്ചാത്തലത്തില്‍ ഒരുങ്ങുന്ന ചിത്രത്തിനായി കന്യാകുമാരിയില്‍ വലിയ ഗ്രാമം തന്നെ നിര്‍മ്മിച്ചിരുന്നു. സെറ്റില്‍ നിര്‍മ്മിച്ച വീടുകള്‍ മത്സ്യത്തൊഴിലാളികള്‍ക്ക് സൗജന്യമായി നല്‍കാന്‍ സൂര്യ തന്നെയാണ് തീരുമാനിച്ചത്.
https://www.facebook.com/Malayalivartha
