വിക്കി നയൻതാര ആഡംബര വിവാഹത്തിന്റെ വിശേഷങ്ങളെല്ലാം വാർത്തകളിൽ നിറയുകയാണ്. കോടികൾ മുടക്കിയ താരവിവാഹം ഇപ്പോൾ ചർച്ചയാകുമ്പോൾ നയന്‍താരയുടെ പ്രതിഫലത്തെക്കുറുച്ചും ചർച്ച കൊഴുക്കുകയാണ്. മലയാളത്തില്‍ നിന്ന് കരിയര്‍ തുടങ്ങിയ നയന്‍താര ഇപ്പോൾ കോടികൾ വാങ്ങുന്ന തെന്നിന്ത്യൻ താരമാണ്.

തെന്നിന്ത്യയില്‍ ഏറ്റവും കൂടുതല്‍ പ്രതിഫലം വാങ്ങിക്കുന്ന നടിമാരില്‍ ഒരാളാണ് നയന്‍താര.ഒരു സീനില്‍ വന്ന് പോകാന്‍ വരെ കോടികളാണ് താരം വാങ്ങിക്കുന്നതെന്നാണ് റിപ്പോര്‍ട്ട്. നയന്‍താര ഇപ്പോള്‍ വാങ്ങുന്ന പ്രതിഫലം അഞ്ച് മുതല്‍ ആറ് കോടി വരെയാണ്.പ്രതിഫലം വാങ്ങുന്ന നടിമാരിൽ രണ്ടാംസ്ഥാനം നടി പൂജ ഹെഗ്‌ഡെക്കാണ്.

പുതിയ ചിത്രം ‘ജന ഗണ മന’യ്ക്കാണ് നടി പൂജ പ്രതിഫലം കുത്തനെ കൂട്ടിയത്. അഞ്ച് കോടി രൂപയാണ് ചിത്രത്തിനായി നടി വാങ്ങുന്ന പ്രതിഫലമെന്നാണ് പുറത്തു വരുന്ന റിപ്പോർട്ട്. പട്ടികയിൽ രണ്ടാം സ്ഥാനത്ത് നിന്നിരുന്ന സാമന്തയെ പിന്നാലാക്കിയാണ് പൂജ രണ്ടാമതെത്തിയത്. ‘ജന ഗണ മന’യിൽ നിരവധി ആക്ഷൻ രംഗങ്ങൾ നടി ചെയ്യുന്നുണ്ട്. ഇതും പ്രതിഫലം കൂട്ടാൻ കാരണമായിയെന്നാണ് വ്യക്തമാക്കുന്നത്. ചിത്രത്തിൽ നായക കഥാപാത്രത്തെ അവതരിപ്പിക്കുന്നത് വിജയ് ദേവർകൊണ്ടയാണ്.

നിലവില്‍ മലയാള സിനിമയില്‍ പ്രതിഫലത്തിന്റെ കാര്യത്തില്‍ ഒന്നാംസ്ഥാനത്ത് മോഹന്‍ലാലാണ്. 8 കോടി മുതല്‍ 17 കോടി വരെയാണ് ഒരു സിനിമയ്ക്കായി വാങ്ങിന്നതെന്നാണ് റിപ്പോര്‍ട്ടുകള്‍.മമ്മൂട്ടിയാണ് മോഹന്‍ലാലിനു പിന്നാലെ മലയാള സിനിമയില്‍ ഏറ്റവും കൂടുതല്‍ പ്രതിഫലം വാങ്ങിക്കുന്ന രണ്ടാമത്തെ താരം.

4 കോടി മുതല്‍ 8.5 കോടി വരെയാണ് ഒരു സിനിമയ്ക്കായി മമ്മൂക്ക വാങ്ങിക്കുന്നത്. മമ്മൂട്ടിക്കും മോഹന്‍ലാലിനു പിന്നാലെയായി പ്രതിഫലത്തിന്റെ കാര്യത്തില്‍ മൂന്നാംസ്ഥാനത്താണ് ദുല്‍ഖര്‍ സല്‍മാന്‍. 3കോടി മുതല്‍ 8 കോടി വരെയാണ് താരം വാങ്ങിക്കുന്ന പ്രതിഫലം.