ഓസ്കാർ സംഘാടകരുടെ അംഗത്വ സമിതിയിലേക്ക് സൂര്യയ്ക്ക് ക്ഷണം; സൗത്ത് ഇന്ത്യയിൽ നിന്നും ക്ഷണം ലഭിക്കുന്ന ആദ്യ നടൻ, ഓസ്കർ അക്കാദമിയിൽ അംഗമാകുന്നതോടെ സൂര്യ ലോസ് ആഞ്ചൽസിൽ വർഷം തോറും നടക്കുന്ന ഓസ്കാർ അവാർഡുകൾക്ക് വോട്ടുചെയ്യാൻ അർഹത...
ഓസ്കാർ സംഘാടകരുടെ അംഗത്വ സമിതിയിലേക്ക് തമിഴ് നടൻ സൂര്യയ്ക്ക് ക്ഷണം ലഭിച്ചതായി റിപ്പോർട്ട്. അതേസമയം സൗത്ത് ഇന്ത്യയിൽ നിന്നും ക്ഷണം ലഭിക്കുന്ന ആദ്യ നടനാണ് സൂര്യ. ഓസ്കർ അക്കാദമിയിൽ അംഗമാകുന്നതോടെ തന്നെ സൂര്യ ലോസ് ആഞ്ചൽസിൽ വർഷം തോറും നടക്കുന്ന ഓസ്കാർ അവാർഡുകൾക്ക് വോട്ടുചെയ്യാൻ അർഹത ലഭിക്കുന്നതായിരിക്കും.
അക്കാദമി ഓഫ് മോഷൻ പിക്ചർ ആർട്സ് ആൻഡ് സയൻസസ് 397 കലാകാരന്മാരെയും എക്സിക്യൂട്ടീവുകളെയും 2022 ക്ലാസിലേക്ക് ക്ഷണിച്ചിരിക്കുകയാണ്. റിന്റു തോമസ്, റൈറ്റിങ് വിത്ത് ഫയർ എന്ന ഡോക്യുമെന്ററിയിൽ നിന്നും ബോളിവുഡ് താരം കജോൾ, സംവിധായകരായ സുഷ്മിത് ഘോഷ്, റിന്റു തോമസ് (റൈറ്റിങ് വിത്ത് ഫയർ ഫെയിം), എഴുത്തുകാരിയും ചലച്ചിത്ര നിർമാതാവുമായ റീമ കഗ്തി എന്നിവരെയും അക്കാദമിയിൽ അംഗമാകാൻ ക്ഷണിച്ചിട്ടുമുണ്ട്. റിന്റു തോമസ് മലയാളിയാണ്.
അങ്ങനെ ഈ വർഷത്തെ അക്കാദമി അവാർഡിൽ മികച്ച ഡോക്യുമെന്ററി ഫീച്ചർ വിഭാഗത്തിൽ മത്സരിച്ച റൈറ്റിങ് വിത്ത് ഫയറാണ് റിന്റു തോമസിനേയും സുഷ്മിത് ഘോഷിനേയും ഈ ബഹുമതിക്ക് അർഹരാക്കിയിരിക്കുന്നത്. ആമസോൺ പ്രൈം വീഡിയോയിൽ റിലീസ് ചെയ്ത സൂര്യയുടെ ജയ് ഭീം , സൂരരൈ പ്രോട് തുടങ്ങിയ സിനിമകളും രാജ്യാന്തര പ്രശസ്തി നേടുകയുണ്ടായി. തലാഷ്, ഗല്ലി ബോയ്, ഗോൾഡ് തുടങ്ങിയ ഹിന്ദി ചിത്രങ്ങളിലൂടെ ശ്രദ്ധേയയാണ് റീമ കഗ്തി.
2022 ലെ ക്ലാസിൽ 71 ഓസ്കാർ നോമിനികളും 15 ജേതാക്കളും ഉൾപ്പെടുന്നതാണ്. ഓസ്കർ കമ്മിറ്റിയിൽ അംഗമാകുന്ന ആദ്യ തമിഴ് നടനാണ് സൂര്യ. ആയതിനാൽ തന്നെ ഇത് നടനെ സംബന്ധിച്ചിടത്തോളം അത്യപൂർവമായ ബഹുമതികൂടിയാണ്.
https://www.facebook.com/Malayalivartha