തമിഴ്കത്തിന്റെ പ്രിയ നടി തമന്നയ്ക്ക് ഇപ്പോള്‍ ആരാധകരുടെ പ്രവാഹമാണ്. പ്രധാനമായി പറയുകയാണെങ്കില്‍ ബാഹുബലിയുടെ വന്‍വിജയമാണ് തമന്നയെ ഇത്രയും ആരാധകരുടെ നീണ്ടനിരയില്‍ എത്തിക്കാന്‍ കാരണമായത്. മികവുറ്റ വേഷമാണ് തമന്ന ബാഹുബലിയില്‍ ചെയ്തതു. സ്ത്രീ ആരാധകരോട് തമന്ന ഒരു കാര്യം തുറന്ന് പറഞ്ഞിരിക്കുകയാണ്. മാന്യമായ രീതിയില്‍ വസ്ത്രം ധരിച്ചില്ലെങ്കില്‍ അത് ആണുങ്ങളെ പ്രകോപിപ്പിക്കുമെന്ന് നടി തമന്ന പറഞ്ഞു.
സിനിമയില്‍ താന്‍ കുഞ്ഞുടുപ്പുകള്‍ ഇടുന്നത് കണ്ട് ആരും അത് അനുകരിക്കരുത്. വസ്ത്രധാരണത്തിന്റെ കാര്യത്തിലെല്ലാം വളരെ ശ്രദ്ധാലുക്കളായിരിക്കണം. സിനിമയിലെ വസ്ത്രധാരണവും യഥാര്‍ത്ഥ ജീവിതത്തിലെ വസ്ത്രധാരണവും തമ്മില്‍ ഒരുപാട് വ്യത്യാസങ്ങളുണ്ടെന്ന് തമന്ന തന്റെ ആരാധകരെ പറഞ്ഞ് മനസ്സിലാക്കാന്‍ ശ്രമിക്കുകയാണ്.സിനിമയില്‍ ഞങ്ങള്‍ കഥാപാത്രങ്ങള്‍ക്ക് വേണ്ടിയാണ് അത്തരത്തിലുള്ള വേഷങ്ങള്‍ കെട്ടുന്നത്. അത് ആ കഥാപാത്രത്തിന്റെ സ്വഭാവത്തെ കാണിക്കാനാണ്. യഥാര്‍ത്ഥ ജീവിതത്തില്‍ നിങ്ങളുടെ ഡ്രസ്സിങ് നിങ്ങളുടെ സ്വഭാവത്തിന്റെയും രീതികളുടെയും ഭാഗമായിരിക്കണം എന്ന് അടുത്തിടെ നല്‍കിയ അഭിമുഖത്തില്‍ തമന്ന പറഞ്ഞു.
തങ്ങള്‍ ആരാധിക്കുന്ന നായികമാര്‍ ഇത്തരത്തിലുള്ള വസ്ത്രം ധരിക്കുന്നുണ്ടല്ലോ എന്ന് കരുതി അത് അനുകരിക്കരുത്. യഥാര്‍ത്ഥ ജീവിതത്തില്‍ തങ്ങളും അത്തരം വസ്ത്രങ്ങള്‍ ധരിക്കാറില്ല തമന്ന പറഞ്ഞു.അത്തരം വേഷവിധാനങ്ങള്‍ ആണുങ്ങളെ പ്രകോപിപ്പിയ്ക്കുന്നതിന് തുല്യമാണെന്ന് തമന്ന പറയുന്നു.ഇതിലൂടെ തമന്നയുടെ സാമൂഹ്യ പ്രതിബദ്ധതയാണ് പ്രേക്ഷകര്‍ കാണുന്നത്. ഈ അഭിമുഖം കണ്ട് തമന്നയ്ക്ക് വീണ്ടും ആരാധകര്‍ കൂടിയെന്നും കേള്‍ക്കുന്നു.
ബാഹുബലി എന്ന ചിത്രത്തിന് ശേഷം ഇപ്പോള്‍ വീണ്ടും തമന്നയുടെ മാര്‍ക്കറ്റ് കൂടിയിരിക്കുകയാണ്. ഈ ചിത്രത്തിന് ശേഷം താരം പ്രതിഫലം കൂട്ടിയെന്നും കേള്‍ക്കുന്നു.തമിഴില്‍ മാത്രമല്ല, ഇപ്പോള്‍ തെലുങ്കിലും ബോളിവുഡിലും ഒരുപിടി നല്ല സിനിമകളുമായി തിരക്കിലാണ് തമന്ന.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha