ഇളയ ദളപതി വിജയിയോടൊപ്പം അഭിനയിക്കാനില്ലന്ന് നയന്‍താര പറഞ്ഞതായി സൂചന. നയന്‍താരയെ സമീപിച്ച സംവിധായകരോടാണ് നയന്‌സ് ഇക്കാര്യം വ്യക്തമാക്കിയത്. ഏറെ പ്രചരണങ്ങളോടെയാണ് \'പുലിക്ക്\' ശേഷം വിജയ് എസ്.ജെ. സൂര്യയുടെ ചിത്രത്തില്‍ അഭിനയിക്കുന്നുവെന്ന വാര്‍ത്തകള്‍ പുറത്തുവന്നത്. ചിത്രത്തില്‍ നയന്‍സായിരിക്കും നായികയെന്നും റിപ്പോര്‍ട്ടുകള്‍ വന്നിരുന്നു. ഈ വര്‍ഷം ഭേതപ്പെട്ട നിലയില്‍ തുടരുന്ന നയന്‍സ് ചിത്രത്തിന്റെ ഭാഗമാകുന്നത് ഏറെ പ്രതീക്ഷയോടെയാണ് ആരാധകര്‍ നോക്കിക്കണ്ടത്. എന്നാല്‍ വിജയോടൊപ്പം ഇനി അഭിനയിക്കില്ലെന്ന നയന്‍താരയുടെ അപ്രതീക്ഷിത നിലപാട് സംവിധായകനെയും ആരാധകരെയും ഒരുപോലെ വെട്ടിലാക്കി.
എന്നാല്‍ നയന്‍ താരയെ നായിക സ്ഥാനത്തുനിന്നും വിജയ് തഴഞ്ഞതായിവിജയ് അരാധകര്‍ പറയുന്നത്. നടനും നിര്‍മാതാവും സംവിധായകനുമായ എസ്. ജെ. സൂര്യ ഒരുക്കുന്ന പുതിയ ചിത്രത്തിലാണ് തനിക്ക് നായികയായി നയന്‍സിനെ വേണ്ടെന്ന് വിജയ് തുറന്നടിച്ചത്.
നയന്‍താരയ്ക്ക് പകരം മറ്റൊരു നായികയെ തെരഞ്ഞെടുക്കാനും സംവിധായകന് വിജയ് നിര്‍ദേശം നല്‍കിയതായാണ് റിപ്പോര്‍ട്ടുകള്‍. നയന്‍സിനെ സിനിമയില്‍നിന്ന് ഒഴിവാക്കുന്നതിന് വിജയ് നല്‍കിയ വിശദീകരണം പുറത്താകാതിരിക്കാന്‍ അണിയറ പ്രവര്‍ത്തകര്‍ കരുതലോടെയാണ് നീങ്ങുന്നത്.
നേരത്തെ ഖുഷി എന്ന ചിത്രത്തില്‍ എസ്.ജെ. സൂര്യയും വിജയിയും ഒന്നിച്ചിരുന്നു. എസ്.ജെ. സൂര്യ നായകനായ \'കള്‍വനിന്‍ കാതലിയിലും\' വിജയിയുടെ \'വില്ലിലും\' നയന്‍ താരയായിരുന്ന നായിക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha