മലയാളത്തില്‍ നസ്രിയയുടെ അഭിനയം ഏറെ ഇഷ്ടമാണെന്ന് വിക്രം
തമിഴകത്തിന്റെ പ്രിയ നടന്‍ വിക്രം തമിഴിയില്‍ മാത്രമല്ല മലയാളത്തിന്റെ പ്രിയ നടന്‍ കൂടിയാണ്. ഒരുപാട് കഷ്ടപ്പാടുകളില്‍ നിന്നുമാണ് വിക്രം സിനിമ മേഖലയില്‍ എത്തിച്ചേര്‍ന്നത്. തോല്‍വികള്‍ ഏറ്റുവാങ്ങി ഇപ്പോള്‍ വിജയം മാത്രം മുന്നില്‍ കണ്ടുള്ള വിക്രമിന്റെ സിനിമ യാത്ര തുടരുകയാണ്.
ഒരു ദേശീയ പുരസ്‌കാരവും മികച്ച നടനുള്ള രണ്ട് സംസ്ഥാന അവാര്‍ഡുകളും ആറും ഫിലിം ഫെയര്‍ അവാര്‍ഡുകളും നേടിയ വിക്രമിന് ഇപ്പോള്‍ കൈനിറയെ സിനിമകളാണ്. വ്യ്ത്യസ്തമായ കഥാപാത്രങ്ങള്‍ കൊണ്ട് ആരാധകരെ ഞെട്ടിച്ചു ഈ മഹാനടന്‍. പ്രമുഖ ഓണ്‍ലൈന്‍ പത്രത്തിന് നല്‍കിയ അഭിമുഖത്തില്‍ വിക്രം പുതിയ ചിത്രത്തിന്റെ വിശേഷങ്ങളെ കുറിച്ച് മനസ് തുറന്ന്.
10 എന്‍ട്രതുക്കുള്ളൈയില്‍ എന്ന ചിത്രത്തിലാണ് വിക്രം ഇപ്പോള്‍ അഭിനയിക്കുന്നത്. സ്റ്റീരിയോടൈപ്പുകള്‍ തകര്‍ക്കുന്നയാളാണു സംവിധായകന്‍ വിജയ് മില്‍ട്ടന്‍. കമേഴ്‌സ്യല്‍ ചിത്രത്തിനുള്ള പതിവു ഫോര്‍മാറ്റില്‍ നിന്നു മാറിപോകുന്ന ചിത്രമാണ്. വേറൊരു തരത്തില്‍ ഈ ചിത്രം ട്രെന്‍ഡ് സെറ്ററായിരിക്കും. ആദ്യമായിട്ടാകും ഇങ്ങനെ ഒരു സിനിമ. വ്യത്യസതമായ തരത്തിലുള്ള ഒരു കൊമേഴ്‌സ്യല്‍ സിനിമയായാണിതെന്നാണ് വിക്രം പറയുന്നത്. 10 എന്‍ട്രതുക്കുള്ളൈ ഒരു ലവ് സ്‌റ്റോറിയാണ്. പ്രണയമില്ലെങ്കില്‍ ഈ സിനിമയില്ല.
സാമന്തയുമായി നല്ല ഒരു കെമസ്ട്രി ഇല്ലാതെ ഈ സിനിമ വിജയിക്കില്ല. അത് നല്ല പോലെ ഉണ്ടെന്നാണു എന്റെ വിശ്വാസം. ഇനി തീരുമാനിക്കണ്ടത് പ്രക്ഷേകരാണെന്നും വിക്രം പറഞ്ഞു. കേരളത്തെ കുറിച്ചും വിക്രമിന് പറയാനുണ്ട്. കരിമീന്‍ പൊള്ളിച്ചതാണ് ആദ്യം എനിക്ക് ഓര്‍മ്മ വരുന്നത്. കരീമിന്‍ അത്രയ്ക്ക് ഇഷ്ടമാണ്. കഴിഞ്ഞയിടെ കോഴിക്കോടും കൊച്ചിയിലും ഞാന്‍ വന്നിരുന്നു \' മുന്‍ റിലീസായ \'ഐ\' ഏറ്റവും കൂടുതല്‍ പണം വാരിയതു കേരളത്തില്‍ നിന്നാണെന്ന സന്തോഷവും വിക്രത്തിനുണ്ട്.
മലയാള ചിത്രങ്ങളില്‍ ഏറെ ആസ്വദിച്ചത് ഓം ശാന്തി ഓശാനയാണെന്നും വിക്രം പറയുന്നു. നസ്രിയയുടെ അഭിനയം ഏറെ ആകര്‍ഷിച്ചുവെന്നും വിക്രം പറയുന്നു. ദുബായില്‍ ഷോപ്പിങ്ങിനിടെ നസ്രിയയെ കണ്ടു. ഏറെ ലൈഫുണ്ട് അവരുടെ അഭിനയത്തില്‍. കേരളത്തില്‍ നല്ല സിനിമയെ സ്‌നേഹിക്കുന്നവരാണ് കൂടുതലുള്ളതെന്നും വിക്രം പറഞ്ഞു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
