താൻ ഒരു സിനിമാ നടിയെ വിവാഹം കഴിക്കുമെന്ന് സ്വപ്നത്തില്‍ പോലും ചിന്തിച്ചിരുന്നില്ലെന്ന് നടൻ പ്രസന്ന. വീട്ടുകാര്‍ കണ്ടുപിടിക്കുന്ന ആരെ വേണമെങ്കിലും വിവാഹം ചെയ്യാമെന്ന് കരുതിയിരുന്നു. ഇടയ്ക്ക് ഒന്ന് രണ്ട് ക്രഷ് ഒക്കെ ഉണ്ടായിരുന്നെങ്കിലും വിവാഹക്കാര്യം വീട്ടുകാര്‍ക്ക് വിട്ടുകൊടുക്കാം എന്ന് കരുതി. പക്ഷെ ഒരു വർഷത്തോളം നീണ്ട സൗഹൃദത്തിന് ശേഷമാണ് സ്നേഹയുമായുള്ള ബന്ധത്തിന്റെ ആഴം മനസിലായതെന്ന് താരം പറയുന്നു.

ഒടുവിൽ ഇരുവരും അത് പ്രകടിപ്പിക്കാനും, പ്രണയത്തിലായെന്നും താരം പറയുന്നു. അധികം വൈകാതെ വീട്ടുകാരെ ഇക്കാര്യം അറിയിച്ചു. മാതാപിതാക്കളുടെ അനുഗ്രഹത്തോടെ തന്നെ വിവാഹം കഴിക്കാന്‍ രണ്ടാളും തീരുമാനിച്ചു. 2012 മാര്‍ച്ചില്‍ വിവാഹം നടക്കുമെന്നാണ് അന്ന് താരങ്ങള്‍ വെളിപ്പെടുത്തിയത്. പക്ഷേ 2012 മേയ് മാസത്തിലാണ് ഇരുവരുടെയും വിവാഹം. ഇപ്പോള്‍ പത്ത് വര്‍ഷത്തോളം നീണ്ട ദാമ്പത്യ ജീവിതം സന്തോഷത്തോടെ കൊണ്ട് പോവുകയാണ്. ഒപ്പം രണ്ട് മക്കള്‍ കൂടി വന്നതോടെ സന്തുഷ്ട കുടുംബമായി.

തുടക്കത്തില്‍ സ്‌നേഹയും പ്രസന്നയും തമ്മില്‍ അത്ര അടുപ്പത്തിലാവാതെ പോയതിനും കാരണമുണ്ട്. സ്നേഹ നായികയായി അഭിനയിക്കുന്ന ചിത്രത്തില്‍ നായകനായി പ്രസന്നയെ തീരുമാനിച്ചു. പെട്ടെന്ന് ആ തീരുമാനം മാറ്റി മറ്റൊരു നടനെയാക്കി. എന്നാലത് സ്‌നേഹയുടെ നിര്‍ദ്ദേശപ്രകാരമുള്ള മാറ്റമായിരുന്നെന്നാണ് അറിഞ്ഞത്. ഇതോടെ അവരോട് ദേഷ്യം തോന്നി. സത്യത്തില്‍ സ്‌നേഹ പോലും അറിയാത്ത കാര്യമായിരുന്നു അത്.

ജീവിതത്തില്‍ അഭിനയിക്കാത്ത നടിയാണ് സ്‌നേഹയെന്ന് പ്രസന്ന പറഞ്ഞത്. അവള്‍ക്ക് സാധാരണക്കാരിയാകാനാണ് താല്‍പര്യമെന്ന് തിരിച്ചറിഞ്ഞതോടെ ഞങ്ങള്‍ സൗഹൃദത്തിലായി. ഞാനൊരു സിനിമാ നടിയെ വിവാഹം കഴിക്കുമെന്ന് സ്വപ്നത്തില്‍ പോലും ചിന്തിച്ചിരുന്നില്ല. വീട്ടുകാര്‍ കണ്ടുപിടിക്കുന്ന ആരെ വേണമെങ്കിലും വിവാഹം ചെയ്യാമെന്ന് കരുതിയിരുന്നു. ഇടയ്ക്ക് ഒന്ന് രണ്ട് ക്രഷ് ഒക്കെ ഉണ്ടായിരുന്നെങ്കിലും വിവാഹക്കാര്യം വീട്ടുകാര്‍ക്ക് വിട്ടുകൊടുക്കാം എന്ന് കരുതി.

എന്നാല്‍ സ്നേഹയാണ് ജീവിതത്തില്‍ സംഭവിക്കാവുന്ന ഏറ്റവും നല്ല കാര്യമെന്ന് തോന്നിയതോടെ അവളെ മാത്രമേ വിവാഹം കഴിക്കൂവെന്ന് ഉറപ്പിച്ചതായി പ്രസന്ന പറഞ്ഞു. എന്നാല്‍ തന്റെ വീട്ടില്‍ അച്ഛനെ സമ്മതിപ്പിക്കാന്‍ ആറ് മാസമെടുത്തതായി പ്രസന്ന വെളിപ്പെടുത്തിയിട്ടുണ്ട്. രണ്ടാളുടെയും ജാതിയാണ് തടസ്സമായത്. ഞങ്ങള്‍ ബ്രാഹ്മാണന്മാരും സ്നേഹ നായിഡുവും ആയിരുന്നെന്ന് നടന്‍ പറഞ്ഞു.