ഷൂട്ടിംഗിനിടെ നടൻ വിശാലിന് വീണ്ടും പരിക്ക്, ആക്ഷൻ രംഗത്തിന്റെ ചിത്രകരണത്തിനിടെ താരത്തിന്റെ കാല്മുട്ടിനാണ് പരിക്കേറ്റത്
സിനിമ ചിത്രീകരണത്തനിടെ തമിഴ് നടൻ വിശാലിന് പരിക്കേറ്റു.'മാര്ക്ക് ആന്റണി' എന്ന ചിത്രത്തിന്റെ ആക്ഷൻ രംഗത്തിന്റെ ചിത്രീകരണത്തിനിടെ കാല്മുട്ടിനാണ് വിശാലിന് പരുക്കേറ്റത്. നേരത്തെ 'ലാത്തി' എന്ന ചിത്രത്തിന്റെ ചിത്രീകരണത്തിനിടയിലും വിശാലിന് പരുക്കേറ്റിരുന്നു. ആദിക് രവിചന്ദ്രൻ ആണ് 'മാര്ക്ക് ആന്റണി' സംവിധാനം ചെയ്യുന്നത്.
തമിഴ്, തെലുങ്ക്, മലയാളം, കന്നഡ എന്നീ ഭാഷകളിലായി പാൻ ഇന്ത്യൻ ചിത്രമായിട്ടാണ് 'മാര്ക്ക് ആന്റണി' ചിത്രീകരിക്കുന്നത്.'മാര്ക്ക് ആന്റണി'യില് എസ് ജെ സൂര്യയും പ്രധാന കഥാപാത്രത്തെ അവതരിപ്പിക്കുന്നു. വിശാലും എസ് ജെ സൂര്യയും ഇരട്ട വേഷത്തിലാണ് ചിത്രത്തില് അഭിനയിക്കുന്നത്. റിതു വര്മ ആണ് ചിത്രത്തില് നായികയായി എത്തുന്നത്. എസ് വിനോദ് കുമാറാണ് ചിത്രം നിര്മിക്കുന്നത്.
അഭിനന്ദൻ രാമാനുജൻ ആണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. ജി വി പ്രകാശ് കുമാര് ആണ് സംഗീത സംവിധാനം നിര്വഹിക്കുന്നത്. ഉമേഷ് രാജ്കുമാറാണ് പ്രൊഡക്ഷൻ ഡിസൈൻ. കനല് കണ്ണൻ, പീറ്റര് ഹെയ്ൻ രവി വര്മ എന്നിവരാണ് സ്റ്റണ്ട് കൊറിയോഗ്രാഫി ചെയ്യുന്നത്. വിശാലിന്റെ ആരാധകര്ക്ക് ഏറെ പ്രതീക്ഷയുള്ള ഒരു ചിത്രമാണ് ഇത്.
https://www.facebook.com/Malayalivartha
