രണ്ടു വൻകരകളിലായി സംഗീതപര്യടനം കഴിഞ്ഞെത്തിയ ഇളയരാജയും എ.ആർ. റഹ്മാനും ചെന്നൈ വിമാനത്താവളത്തിൽ കണ്ടുമുട്ടിയ വീഡിയോ വൈറലാകുകയാണ്. വീഡിയോ എടുത്ത് ഇൻസ്റ്റഗ്രാമിലിട്ട് റഹ്മാൻതന്നെയാണ് ഈ അപ്രതീക്ഷിത സമാഗമം ആഘോഷമാക്കിയിരിക്കുന്നത്.

‘വ്യത്യസ്ത വൻകരകളിൽനിന്നാണ് ഞങ്ങൾ മടങ്ങുന്നത്. പക്ഷേ, ചെന്നുചേരാനുള്ള ഇടം എപ്പോഴും തമിഴ്‌നാടുതന്നെ’ എന്നാണ് എ.ആർ റഹ്മാൻ വിഡിയോയ്‌ക്കൊപ്പം കുറിച്ചത്. വിമാനത്താവളത്തിലെ വാഹനത്തിൽ ഇളയരാജയ്ക്കൊപ്പം യാത്രചെയ്യുന്ന വീഡിയോയുടെ താഴെ റഹ്മാൻ എഴുതിയത് ആരാധകർ ആഹ്ലാദത്തോടെ ഏറ്റെടുക്കുകയുണ്ടായി.

അതേസമയം കാനഡയിൽ ഒരു തെരുവിന് സ്വന്തംപേരിടുന്ന ചടങ്ങിലും അദ്ദേഹം പങ്കെടുത്തു. ഹംഗറിയുടെ തലസ്ഥാനമായ ബുഡാപെസ്റ്റിൽനിന്നാണ് ഇളയരാജ എത്തുന്നത്.