മലയാളിയായ തെന്നിന്ത്യന്‍ താരസുന്ദരി നയന്‍താര ബിവ്‌റേജ് ഷോപ്പില്‍ നിന്നു ബിയര്‍ വാങ്ങുന്ന വീഡിയോ ദൃശ്യങ്ങള്‍ തമിഴ്‌നാട്ടില്‍ വീണ്ടും വന്‍വിവാദം സൃഷ്ടിച്ചിരിക്കുന്നു. നേരത്തേ ഈ വീഡിയോ പുറത്തായ സമയത്തും ഇതു വിവാദമായിരുന്നു. നാനും റൗഡി താന്‍ എന്ന സിനിമയു ടെ ഭാഗമായി ചിത്രീകരിച്ചതായിരുന്നു ഇത്. എന്നാല്‍ സംസ്ഥാനത്ത് മദ്യനിരോധനസമരം നടക്കുന്ന സമയത്താണ് ഈ സംഭവം നടന്നത്. അതാണു വിവാദം കത്തിക്കയറാന്‍ കാരണം. താരം അമിത ഗ്ലാമര്‍ പ്രദര്‍ശനം നടത്തുന്നു എന്ന് ആരോപണം നേരത്തെ ഉയര്‍ന്നിട്ടുണ്ടായിരുന്നു.
സിനിമയ്ക്കു വേണ്ടിയാണെ ങ്കിലും ഒരു സ്ത്രീയെ കൊണ്ട് മദ്യം വാങ്ങിപ്പിക്കുന്നത് തെറ്റാണെന്നു ചൂണ്ടിക്കാട്ടി ഹിന്ദു മക്കള്‍ കക്ഷി ഉള്‍പ്പെടെയുള്ള ഹിന്ദുസംഘടനകള്‍ ഇതിനെതിരേ രംഗത്തെത്തുകയും ചെയ്തു. സിനിമയില്‍ നയന്‍താരയുടെ ഈ രംഗം നീക്കം ചെയ്യണമെന്നും അല്ലെങ്കില്‍ സിനിമയ്ക്കും നയന്‍താരയ്ക്കുമെതിരേ സമരം നടത്തുമെന്നും സംഘടന അന്നേ വ്യക്തമാക്കിയിരുന്നു. എന്നാല്‍ സിനിമ റിലീസ് ചെയ്തിട്ടും ഈ രംഗം ഇവര്‍ നീക്കം ചെയ്തിട്ടില്ലെന്നാണ് റിപ്പോര്‍ട്ട്. രാജ്യമൊട്ടാകെ അസഹിഷ്ണത നിലനില്‍ക്കുന്ന സമയത്തില്‍ വിവാദങ്ങളെ ശ്രദ്ധയോടെയാണ് സിനിമാ മേഖല വീക്ഷിക്കുന്നത്.
അതേ സമയം കഴിഞ്ഞ ആഴ്ച പ്രദര്‍ശനത്തിനെത്തിയ ചിത്രം മികച്ച വിജയം നേടുകയാണ്. തമിഴകത്തിന്റെ യുവസൂപ്പര്‍താരം ധനുഷ് ആണ് ചിത്രം നിര്‍മ്മിച്ചിരിയ്ക്കുന്നത്. വിജയ് സേതുപതിയാണ് ചിത്രത്തില്‍ നയന്‍താരയുടെ നായകനായി എത്തുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha