മാധ്യമങ്ങള്‍ ദയവ് ചെയ്ത് സിനിമാക്കാരുടെ സ്വകാര്യതയിലേക്ക് ഒളിഞ്ഞ് നോക്കരുതെന്ന് നടി നയന്‍താര പറഞ്ഞു. വിഘ്‌നേശ് ശിവന്റെയും നയന്‍സിന്റെയും പ്രണയത്തെ കുറിച്ച് മാധ്യമങ്ങള്‍ നയന്‍സിനോട് ചോദ്യം ചോദിച്ചപ്പോഴാണ് ഇത്തരത്തിലൊരു മറുപടി. മാധ്യമങ്ങളുടെ ചോദ്യങ്ങള്‍ക്ക് ഉത്തരം പറയാന്‍ എന്നെ കിട്ടില്ലെന്നും നയന്‍സ് പറഞ്ഞു.

മാധ്യമങ്ങള്‍ ഇന്ന് വാര്‍ത്തകളെ വളച്ചൊടിച്ച് വരികയാണെന്നും താരം കൂട്ടിച്ചേര്‍ത്തു. പല നടന്മാരുമായി നയന്‍സിന്റെ പ്രണയവാര്‍ത്തകള്‍ മാധ്യമങ്ങള്‍ റിപ്പോര്‍ട്ട് ചെയ്തു വരുന്നു. തെന്നിന്ത്യന്‍ നടന്‍ പ്രഭുദേവയും ചേര്‍ത്താണ് നയന്‍സിന്റെ ആദ്യ പ്രണയവാര്‍ത്ത മാധ്യമങ്ങള്‍ നല്‍കിയത്. അത് കഴിഞ്ഞ് നടന്‍ ചിമ്പു, ആര്യ, ഒടുവില്‍ അവസാനത്തെ പേരാണ് വിഘ്‌നേശ് ശിവന്റെ.

\'എന്തിനാണ് മാധ്യമങ്ങള്‍ താരങ്ങളുടെ സ്വകാര്യജീവിതത്തിന് ഇത്രയധികം പ്രാധാന്യം നല്‍കുന്നത്. ഞങ്ങള്‍ സിനിമാരംഗത്തു ജോലി ചെയ്യുന്നതുകൊണ്ട് എന്തും എഴുതാമോ? ഞങ്ങളുടെ സ്വകാര്യതയല്ല നിങ്ങളുടെ എന്റര്‍ടെയ്ന്‍മെന്റ്. നയന്‍താര പൊട്ടിത്തെറിച്ചു. ഒരു മാധ്യമം എന്റെ വ്യക്തിജീവിതത്തെപ്പറ്റി എഴുതിയാല്‍ അവര്‍ ചോദിക്കുന്ന ചോദ്യങ്ങള്‍ക്ക് മറുപടി നല്‍കണമെന്ന് യാതൊരു നിര്‍ബന്ധവുമില്ല. കാരണം എന്റെ ജീവിതത്തോട് എനിക്ക് ഒരു ബോധ്യമുണ്ടെന്നും നയന്‍താര പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha