ബാഹുബലി, ആര്‍ആർആർ എന്നീ ചിത്രങ്ങളിലൂടെ ലോകമെമ്പാടും ആരാധകരുള്ള സംവിധായകനായി രാജമൗലി മാറിക്കഴിഞ്ഞു. ആർആർആർ സിനിമയെ പ്രശംസിച്ച് ഹോളിവുഡ് സിനിമാ ലോകത്തെ പ്രമുഖരടക്കം രംഗത്തെത്തുകയും ചെയ്തു. ഇപ്പോഴിതാ രാജമൗലി സംവിധാനം ചെയ്ത ഈച്ച (ഈഗ) എന്ന സിനിമ കണ്ട് കയ്യടിക്കുന്ന ഹോളിവുഡ് പ്രേക്ഷകരുടെ വിഡിയോ സമൂഹമാധ്യമങ്ങളിൽ വൈറലാകുന്നു.

ലോസ് ആഞ്ചൽസില്‍ നടന്ന ബിയോണ്ട് ഫെസ്റ്റിവലിൽ ആണ് ഈഗ പ്രദർശിപ്പിച്ചത്. സിനിമ കണ്ട് ആകാംക്ഷഭരിതരാകുന്ന ഹോളിവുഡ് സിനിമാ പ്രേമികളെ വിഡിയോയിൽ കാണാം. സിനിമ കഴിഞ്ഞപ്പോള്‍ എഴുന്നേറ്റ് നിന്ന് കയ്യടിച്ചാണ് രാജമൗലിക്ക് ആദരവ് നേർന്നത്. മേളയുടെ ഭാഗമായി രാജമൗലിയും സ്ക്രീനിങിന് എത്തിയിരുന്നു.