മലയാളികളുടെ മനസ്സിൽ വളരെപ്പെട്ടന്ന് സ്ഥാനം നേടിയ നടിയാണ് ഐശ്വര്യ ലക്ഷ്‍മി. വേറിട്ട കഥാപാത്രങ്ങൾ ചെയുന്നത് കൊണ്ട് തന്നെ താരത്തിന്റെ ചിത്രങ്ങളെല്ലാം വൻ വിജയവുമാണ്. നടിയുടെ പുതിയ ചിത്രം 'ഗാട്ട കുസ്‌തി'യുടെ വിശേഷങ്ങളാണ് പുറത്ത് വരുന്നത്.

വ്യത്യസ്ത കഥാപാത്രങ്ങളിലൂടെ മുന്നേറുന്ന തമിഴ് നടൻ വിഷ്‌ണു വിശാൽ നായകനായി തിയേറ്ററിലെത്തിയ ചിത്രമാണ് 'ഗാട്ട കുസ്‌തി'. ചിത്രത്തിൽ മലയാളികളുടെ പ്രിയ താരം ഐശ്വര്യ ലക്ഷ്‍മിയാണ് നായിക. തിയേറ്ററുകളിൽ മികച്ച പ്രതികരണമാണ് ചിത്രത്തിന് ലഭിച്ചത്. തുടർന്ന് ഇപ്പോഴിതാ ചിത്രം ഒടിടി റിലീസിന് ഒരുങ്ങുകയാണ്.

അതേസമയം നെറ്റ്ഫ്ലികിൽ ജനുവരി ഒന്ന് മുതലാണ് ചിത്രം സ്ട്രീം ചെയ്യുന്നത്. ചെല്ല അയ്യാവു സംവിധാനം ചെയ്ത ചിത്രം ഗ്രാമീണ പശ്ചാത്തലത്തിൽ ഒരുക്കിയ സ്പോർട്സ് ഡ്രാമയാണ്. ചിത്രത്തിന്റെ ഛായാഗ്രാഹണം നിർവഹിച്ചിരിക്കുന്നത് റിച്ചാർഡ് എം നാഥൻ ആണ്. ഡിസംബർ രണ്ടിനാണ് 'ഗാട്ട കുസ്‌തി' തിയേറ്ററുകളിലെത്തിയത്.

മാത്രമല്ല ' എഫ് ഐ ആർ' ആണ് വിഷ്‌ണു വിശാലിന്റെ ഇതിന് മുൻപ് ഇറങ്ങിയ ചിത്രം. ഇപ്പോൾ മലയാളത്തിലും തെലുങ്കിലും തമിഴിലും നിരവധി ചിത്രങ്ങൾ അഭിനയിച്ച ഐശ്വര്യ ലക്ഷ്മിയുടെ ഒടുവിലെത്തിയ മലയാള ചിത്രമാണ് 'കുമാരി'