രാജ്യമൊട്ടാകെ ആരാധകരെ വിസ്മയത്തിലാഴ്ത്തിയ ചിത്രമാണ് ‘കാന്താര’. മാത്രമല്ല ഒരേസമയം റിഷഭ് ഷെട്ടി രചനയും സംവിധാനവും നിര്‍വ്വഹിച്ച് കേന്ദ്ര കഥാപാത്രത്തെയും അവതരിപ്പിച്ച ‘കാന്താര’ സിനിമ ലോകത്തെ തന്നെ വലിയ ചർച്ച വിഷയമായിരുന്നു. ഇതോടെ 2022ൽ മികച്ച വിജയ ചിത്രങ്ങളിൽ മുൻപന്തിയിലുള്ള ചിത്രത്തെ നിരവധി പ്രമുഖരാണ് പ്രശംസിച്ച് രംഗത്തെത്തിയത്.

എന്നാൽ ഇപ്പോഴിതാ, കാന്താരയെ പ്രശംസിച്ച് കൊണ്ട് കത്തെഴുതിയിരിക്കുകയാണ് കമൽഹാസൻ. ഇതോടെ റിഷഭ് ഷെട്ടി തന്നെയാണ് കമൽഹാസന്റെ കത്ത് സോഷ്യൽ മീഡിയയിലൂടെ പങ്കുവെച്ചിരിക്കുന്നത്. തുടർന്ന് ‘ഇന്ത്യന്‍ സിനിമയുടെ ഇതിഹാസത്തില്‍ നിന്നും ഇത്തരമൊരു കത്ത് ലഭിച്ചതില്‍ സന്തോഷമെന്നും, എല്ലാം അപ്രതീക്ഷിതമായിരുന്നെന്നും, വിലയേറിയ സമ്മാനത്തിന് ഒരുപാട് നന്ദിയെന്നും’ റിഷഭ് ഷെട്ടി ഇൻസ്റ്റാ​ഗ്രാമിൽ കുറിച്ചു.

ഇതേസമയം മികച്ച ചിത്രം, മികച്ച നടൻ എന്നീ വിഭാഗങ്ങളിൽ കാന്താര ഓസ്കാർ ഷോർട്ട് ലിസ്റ്റിൽ ഇടംനേടിയിട്ടുണ്ട്. ആർആർആർ, ദ് കശ്മീർ ഫയൽസ്, റോക്കട്രി, ഗംഗുഭായ് കത്തിയാവാഡി, വിക്രാന്ത് റോണ എന്നിവയും ഈ ലിസ്റ്റിൽ ഉൾപ്പെട്ട ഇന്ത്യൻ സിനിമകളാണ്.