വിജയിയുടെ  കരിയറിലെ തന്നെ ഏറ്റവും വലിയ ഹൈപ്പ് സൃഷ്ടിച്ച ലിയോ സിനിമയുടെ വരവിനായുള്ള കാത്തിരിപ്പിലാണ് സിനിമ ലോകം. ദളപതി വിജയ് നായകനാകുന്ന ലോകേഷ് കനകരാജിന്റെ ചിത്രമാണ് ലിയോ . ഒക്ടോബർ 10 ന് വേണ്ടിയാണ് സിനിമലോകം കാത്തിരിക്കുന്നത്. അന്നാണ് ആഗോളവ്യാപകമായി ചിത്രം പുറത്തിറങ്ങുന്നത്. 2023 ല്‍ യുഎസില്‍ അഡ്വാന്‍സ് ബുക്കിംഗിലൂടെ ഏറ്റവും കൂടുതല്‍ തുക നേടുന്ന ഇന്ത്യന്‍ ചിത്രം എന്ന നേട്ടം  ലിയോ നേടിയിരുന്നു. ഷാരൂഖ് ഖാന്‍റെ  ജവാന്‍, പഠാന്‍ സിനിമകൾ വൻ വിജയങ്ങളായിരുന്നു. എന്നാൽ ഇവയെല്ലാം പിന്നിലാക്കിയാണ് വിജയ് ചിത്രം ലിയോ ഈ നേട്ടം കരസ്ഥമാക്കിയത് .

എന്നാൽ സിനിമ ഇറങ്ങാൻ കുറച്ച് നാളുകൾ മാത്രം ബാക്കി നിൽക്കെ ആരാധകരെ ഞെട്ടിക്കുന്ന പുതിയ വാർത്തകളാണ് പുറത്തുവരുന്നത് .യുഎസിൽ നിന്നുള്ള തിരിച്ചടിയുടെ പുതിയ വാർത്തയാണ് ആരാധകരെ ഞെട്ടിച്ചത് . യുഎസില്‍ ആദ്യമായി ആയിരത്തിലേറെ തീയറ്ററുകളില്‍  റിലീസ് ചെയ്യുന്ന ചിത്രമായിരുന്നു  ലിയോ. എന്നാൽ നേരത്തെ നിശ്ചയിച്ച ലിയോ ഐമാക്സ് പ്രദര്‍ശനങ്ങള്‍ യുഎസില്‍ ഉപേക്ഷിച്ചിരിക്കുന്നു എന്ന വാര്‍ത്തയാണ് ഇപ്പോള്‍ പുറത്തുവരുന്നത്.

ഐമാക്സ് പ്രീമിയര്‍ ഷോകളാണ് മാറ്റിയതെന്നും , അതിന്‍റെ പണം നേരത്തെ ബുക്ക് ചെയ്തവര്‍ക്ക് തിരിച്ചുനൽകിയെന്നുമാണ് വിവരം . അതേ സമയം ഐമാക്സ് ഷോയ്ക്ക് പുറമേ സാധാരണ തിയറ്ററുകളുടെ ഷോകളും മാറ്റിവെച്ചതായി  റിപ്പോർട്ടുകൾ പുറത്തുവരുന്നുണ്ട്‍. ഇത്തരത്തില്‍ ഷോകള്‍ ഉപേക്ഷിക്കുന്നത് ലിയോ അഡ്വാന്‍സ് ബുക്കിംഗിനെ ബാധിക്കും എന്നാണ് ട്രേഡ് അനലിസ്റ്റുകള്‍ പറയുന്നത്. സാങ്കേതികമായ കാരണങ്ങളും ഡിസ്ട്രീബ്യൂഷന്‍ പ്രശ്നങ്ങളുമാണ് ഷോ ക്യാന്‍സിലാകുവാന്‍ കാരണമെന്നാണ് പറയുന്നത് .  എന്നാൽ ഇതില്‍ പലതും റൂമറുകള്‍ മാത്രമാണെന്നാണ് വിജയ് ഫാൻസ്‌ മുന്നോട്ടുവയ്ക്കുന്നത് .

എന്നാൽ ആദ്യദിനങ്ങളിൽ  ലിയോയുടെ തമിഴ്നാട്ടിലെ സ്പെഷല്‍ ഷോകളുടെ സമയക്രമത്തിൽ തമിഴ്നാട് സര്‍ക്കാര്‍ കഴിഞ്ഞ ദിവസം തീരുമാനം വ്യക്തമാക്കിയിരുന്നു . ഒക്ടോബർ 19 പുലര്‍ച്ചെ നാലിനും 9 നുമായി രണ്ട് സ്പെഷല്‍ ഷോകളും 20 മുതല്‍ 24 വരെയുള്ള ദിനങ്ങളില്‍ രാവിലെ 7 ന് ഒരു സ്പെഷല്‍ ഷോയും നടത്താനുള്ള അനുമതിക്കായാണ് നിര്‍മ്മാതാക്കളായ സെവന്‍ സ്ക്രീന്‍ സ്റ്റുഡിയോസ് സര്‍ക്കാരിനെ സമീപിച്ചത്.

ഇതില്‍ റിലീസ് ദിവസം ഉള്‍പ്പെടെ ഒരു സ്പെഷല്‍ ഷോയും ചേര്‍ത്ത് പ്രതിദിനം അഞ്ച് ഷോകള്‍ നടത്താനുള്ള അനുമതി നല്‍കിക്കൊണ്ട് രണ്ട് ദിവസം മുന്‍പ് സര്‍ക്കാര്‍ ഉത്തരവ് ഇറക്കിയിരുന്നു. എന്നാല്‍ അനുവദിച്ചിരിക്കുന്ന സ്പെഷല്‍ ഷോയുടെ സമയം ഉത്തരവില്‍ ഉണ്ടായിരുന്നില്ല.

ഇത് വ്യക്തമാക്കിക്കൊണ്ടുള്ളതാണ് പുതിയ ഉത്തരവ്. ആദ്യ ഷോ രാവിലെ 9 ന് മാത്രമേ ആരംഭിക്കാവൂയെന്ന് ഉത്തരവില്‍ പറയുന്നുണ്ട്. രാവിലെ 9 മണിയോടെ ആരംഭിക്കുന്ന അഞ്ച് പ്രദര്‍ശനങ്ങള്‍ പുലര്‍ച്ചെ 1.30 ന് അകം അവസാനിപ്പിക്കണം. ഇതോടെ ആദ്യദിവസം പുലർച്ചെ ചിത്രം കാണാമെന്നുള്ള  തമിഴ്നാട്ടിലെ വിജയ് ആരാധകരുടെ   പ്രതീക്ഷ മായുകയാണ് .

തൊട്ടതെല്ലാം പൊന്നാക്കുന്ന ലോകേഷ് കനകരാജ്  സംവിധാനം ചെയ്യുന്ന ചിത്രമെന്ന നിലയില്‍ ലിയോയുടെ പറയപ്പെടുന്ന  വിപണിമൂല്യം ഏറെയാണ്. വിക്രം എന്ന സൂപ്പർ ഹിറ്റിന് ശേഷം ലോകേഷ് ഒരുക്കുന്ന ചിത്രമാണ് ഇത് . തെന്നിന്ത്യന്‍ സിനിമാ ലോകം അക്ഷമയോടെ കാത്തിരിക്കുന്ന വിജയ് - ലോകേഷ് കനകരാജ് ടീമിന്‍റെ കൂട്ടുക്കെട്ടിൽ പുറത്തിറങ്ങുന്ന സിനിമ കൂടിയാണ് ലിയോ.

രത്‌ന കുമാറും ദീരജ് വൈദിയുംചേർന്ന് രചിച്ച ലോകേഷ് കനകരാജ് സംവിധാനം ചെയ്ത ലിയോ ഒരു വരാനിരിക്കുന്ന ആക്ഷൻ ത്രില്ലർ ചിത്രം തന്നെയാണ്. ലോകേഷ്  സിനിമാറ്റിക് യൂണിവേഴ്‌സിലെ മൂന്നാമത്തെ ചിത്രമാണിത് . ചിത്രത്തിലെടൈറ്റിൽ കഥാപാത്രമായി വിജയ് , സഞ്ജയ് ദത്ത് , അർജുൻ സർജ , ഗൗതം വാസുദേവ് മേനോൻ , മൻസൂർ അലി ഖാൻ , മിഷ്‌കിൻ എന്നിവർക്കൊപ്പം തൃഷയും എത്തുന്നുണ്ട്.