കലാസംവിധായകന് മിലന് ഫെര്ണാണ്ടസ് അന്തരിച്ചു.... ഹൃദയാഘാതത്തെ തുടര്ന്നായിരുന്നു അന്ത്യം, നടന് അജിത് കുമാറിനെ നായകനാക്കി മകിഴ് തിരുമേനി സംവിധാനം ചെയ്യുന്ന 'വിടാമുയര്ച്ചി' സിനിമയുടെ ചിത്രീകരണത്തിനിടെ അസര്ബൈജാനിലായിരുന്നു അന്ത്യം
കലാസംവിധായകന് മിലന് ഫെര്ണാണ്ടസ് (54) അന്തരിച്ചു. ഹൃദയാഘാതത്തെ തുടര്ന്നായിരുന്നു അന്ത്യം, നടന് അജിത് കുമാറിനെ നായകനാക്കി സംവിധാനം ചെയ്യുന്ന 'വിടാമുയര്ച്ചി' സിനിമയുടെ ചിത്രീകരണത്തിനിടെ അസര്ബൈജാനിലായിരുന്നു അന്ത്യം സംഭവിച്ചത്.
ചിത്രീകരണം കഴിഞ്ഞ് ശനിയാഴ്ച രാത്രി അദ്ദേഹം ഹോട്ടലില് തിരിച്ചെത്തി. ഞായറാഴ്ച രാവിലെ ജോലിക്കായി ടീം അംഗങ്ങളെ വിളിച്ചുചേര്ത്തു. ഇതിനിടെ അസ്വസ്ഥത അനുഭവപ്പെട്ടതിനെ തുടര്ന്ന് ഉടന് തന്നെ ആശുപത്രിയില് എത്തിച്ചെങ്കിലും രക്ഷിക്കാനായില്ല. ഭാര്യയും മകനുമുണ്ട്.
1999ല് സാബു സിറിളിന്റെ സഹായിയായാണ് തുടക്കം. 2006-ല് പുറത്തിറങ്ങിയ 'കലാപ കാതലന്' എന്ന ചിത്രത്തിലൂടെ സ്വതന്ത്ര കലാസംവിധായകനായി. ബില്ല, വേലായുധം, വീരം, വേട്ടൈക്കാരന്, തുനിവ്, വേതാളം, അണ്ണാത്തെ, പത്തു തല, സാമി 2, ബോഗന് തുടങ്ങി 30-ലധികം സിനിമകളില് പ്രവര്ത്തിച്ചിരുന്നു.
"
https://www.facebook.com/Malayalivartha
