മോഹന്ലാല് മാറിയെന്ന് പ്രിയദര്ശന്
കഴിഞ്ഞ അഞ്ചുവര്ഷമായി മോഹന്ലാല് മാറിയെന്ന് പ്രിയദര്ശന്. ഈ മാറ്റം അദ്ദേഹത്തിന്റെ കാഴ്ചപ്പാടിലുണ്ടായ മാറ്റങ്ങളാണ്. പലരും അനുഭവങ്ങളില്നിന്ന് ഒന്നും നേടാറില്ല. അനുഭവങ്ങള് അവരുടെ ജീവിതത്തിന്റെ ഒരു ഭാഗമായി മാറുകയേയുള്ളൂ. എന്നാല് ലാലാകട്ടെ അനുഭവങ്ങളെ സ്വന്തം കാഴ്ചപ്പാടിലൂടെ അവതരിപ്പിച്ചുകൊണ്ടിരിക്കുകയാണെന്നും അദ്ദേഹം പറഞ്ഞു. എഴുതുന്ന പുസ്തകങ്ങളിലൂടെ, ബ്ലോഗെഴുത്തിലൂടെ എല്ലാം. സിനിമയില് നിന്നും മോഹന്ലാലിന് ഒരു റിട്ടയര്മെന്റ് ഉണ്ടെങ്കില് തീര്ച്ചയായും ഒരു എഴുത്തുകാരനായി മാറുമെന്നും പ്രിയദര്ശന് പറഞ്ഞു.
കൂടെ അഭിനയിക്കുന്നവരെ ഇത്രയേറെ സപ്പോര്ട്ട് ചെയ്യുന്ന ഒരു നടന് മോഹന്ലാലിനോളം വേറെ ഇല്ല. ബോയിംഗ് ബോയിംഗ് സിനിമ കഴിഞ്ഞു പോകുമ്പോള് മുകേഷ് കണ്ണുനിറഞ്ഞുകൊണ്ടു പറഞ്ഞത്. \'നാടകത്തിലായാലും സിനിമയിലായാലും വലിയ നടന്മാര് ചെറിയ നടന്മാരെ വിഴുങ്ങിക്കളയും. ഒരു നല്ല ഡയലോഗ് പറയുവാനുള്ള അവസരംപോലും അവര്ക്ക് നിഷേധിക്കും. പകരം അവരത് ഏറ്റെടുക്കും. എന്നാല് ജീവിതത്തില് ആദ്യമായിട്ടാണ് ഒരു നടന് എന്നോട്, \'നീ പറഞ്ഞാല് അത് നന്നാകും\' എന്ന് പറയുന്നത്. എന്റെ ബെറ്റര്മെന്സിനുവേണ്ടി \'നീ ഇത് ചെയ്യൂ\' എന്ന് പറയുന്നത്. ലാലിന് അയാളിലുള്ള വിശ്വാസം കൊണ്ടാണ് ഇങ്ങനെയൊക്കെ പറയാനും ചെയ്യാനും സാധിക്കുന്നത്. ആ വിശ്വാസമുണ്ടെങ്കില് മറ്റൊരു നടന് എത്രയൊക്കെ പെര്ഫോം ചെയ്താലും അയാളെ അത് ബാധിക്കാനേ പോകുന്നില്ല.\'
നടനെന്ന നിലയിലും മനുഷ്യനെന്ന നിലയിലും മനസ്സില് നന്മയുള്ളവര്ക്കേ ഇങ്ങനെയൊക്കെ ചെയ്യാന് കഴിയൂ എന്നുകൂടി ഉദാഹരണമാണിത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
