മറ്റൊരു ലോക ക്യാൻസർ ദിനം കൂടി കടന്നു പോവുകയാണ്... ക്യാൻസർ രോഗികൾ അനുഭവിക്കുന്ന ദുരിതങ്ങളും എന്നാൽ മറ്റു ചിലർ അതിനെ ധൈര്യത്തോടെ നേരിടുന്നതും എല്ലാം നാം കാണുന്നുണ്ട്. ഭക്ഷണത്തിലൂടെ ക്യാൻസറിനെ തടയാനാകുമോ? ഒരു പരിധി വരെ നമുക്ക് അതിന് സാധിക്കും. നമ്മുടെ ഭക്ഷണക്രമത്തിലൂടെ ക്യാൻസറിനെ അകറ്റാൻ ഒരു പരിധിവരെ നമുക്ക് സാധിക്കും. കാൻസർ അകറ്റാൻ ഭക്ഷണത്തിൽ ശ്രദ്ധിക്കേണ്ട കാര്യങ്ങൾ എന്തൊക്കെയാണ് എന്ന് നോക്കാം.അർബുദം വരുത്തിവയ്ക്കുന്ന വലുതും ചെറുതുമായ നിരവധി അപായഘടകങ്ങൾ ഉണ്ട്    ലളിതമായ വഴികളിലൂടെ കാൻസർ രോഗത്തെ ചെറുക്കാൻ നമുക്കു സാധിക്കുക തന്നെ ചെയ്യും.

നമ്മുടെ ഓരോരുത്തരുടേയും ശരീരത്തിൽ കാൻസറിനു കാരണമാകാവുന്ന ജീനുകളുണ്ട്. ചിലരിലതു പെട്ടെന്ന് പ്രവർത്തിക്കില്ല... കുറച്ചു പേരിൽ ചിലപ്പോൾ അത് വലുതായി പ്രവർത്തിക്കും . എന്നാൽ പകുതിപേരിലും ക്യാന്സറിന്റെ ജീനുകളെ ഉണർത്തുന്ന ചിലതിനെ നശിപ്പിച്ചാൽ അർബുദരോഗികളാകാനിരിക്കുന്ന നൂറുപേരിൽ 50 പേരെ ആ രോഗത്തിൽ നിന്നു രക്ഷിക്കാനാകും. വളരെ ലളിതമായ വഴികളിലൂടെ കാൻസർ രോഗത്തെ ചെറുക്കാൻ നമുക്കു കഴിയും. ആ ദുരന്തത്തെ അകറ്റി നിർത്താനാവും.

പാശ്ചാത്യ നാടുകളിൽ കാണുന്ന കാൻസറിൽ മൂന്നിലൊന്നിനും കാരണം ഭക്ഷണരീതിയിലെ അപാകതയാണ്. ഇന്ത്യയിൽ പത്തുമുതൽ 15 ശതമാനം വരെ കാൻസറിനും ഇതു കാരണമായിത്തീരുന്നുണ്ട്. സാമൂഹികസാമ്പത്തിക സാഹചര്യങ്ങളിലെ മെച്ചം മൂലം പാശ്ചാത്യനാടുകൾക്കു സമാനമായ ഭക്ഷണരീതിയിലേക്കാണു നnമ്മുടെ നാടും പോകുന്നത്. അതുകൊണ്ടുതന്നെ ഭക്ഷണത്തിലെ അപാകതയാണു നമ്മുടെ നാട്ടിലെ 25 ശതമാനം കാൻസറിനും കാരണമാകുന്നതെന്നു പറയാം. ഇതൊരു അപകടകരമായ സൂചനയാണെന്നു പറയുന്നതുപോലെ, നമുക്ക് എളുപ്പത്തിൽ തിരുത്തി അത്രമാത്രംഅർബുദ സാധ്യതയെ തടയാൻ കഴിയുമെന്ന ആശ്വാസവും ഉണ്ട്. എന്തൊക്കെ കഴിക്കരുത് എന്ന് നോക്കാം ;

അർബുദ സാധ്യത വരുത്തുന്ന ഭക്ഷണം, അർബുദ സാധ്യതയെ പ്രതിരോധിക്കുന്ന ഭക്ഷണം, രോഗം വന്നവരിൽ അതിന്റെ വ്യാപനത്തെ കുറയ്ക്കുന്ന ഭക്ഷണം മൂന്നായി തരംതിരിക്കാം. അർബുദസാധ്യത വർധിപ്പിക്കുന്നതായി വ്യക്തമായി സ്ഥാപിക്കപ്പെട്ടിട്ടുള്ള നിരവധി ഭക്ഷണപദാർത്ഥങ്ങളുണ്ട്. അവയെല്ലാം ഒഴിവാക്കണം.

മൃഗക്കൊഴുപ്പിന്റെ അമിതോപയോഗം അർബുദസാധ്യത വർധിപ്പിക്കും. സ്തനാർബുദത്തിനും കുടലിലെ കാൻസറിനും ഇത് ഒരു പ്രധാന കാരണമാകുന്നുണ്ട്. ഇതിനായി റെഡ്മീറ്റ് (പന്നി, ആട,് പശു, കാള, പോത്ത്) കഴിക്കാതിരിക്കുക.
സമയത്തു കണ്ടെത്താം, ചികിൽസിച്ചു തോൽപിക്കാം; കാൻസർ ഭീതി വേണ്ട
സമയത്തു കണ്ടെത്താം, ചികിൽസിച്ചു തോൽപിക്കാം; കാൻസർ ഭീതി വേണ്ട

പൂപ്പൽ പിടിച്ച ഭക്ഷണങ്ങൾ ഒരു കാരണവശാലും കഴിക്കരുത്. പ്രത്യേകിച്ചും ധാന്യങ്ങളിലും പയറു വർഗങ്ങളിലും മറ്റും കാണുന്ന അഫ്ളാടോക്സിൻ എന്ന പൂപ്പൽബാധ കാൻസറിനു കാരണമാകുമെന്നു തെളിഞ്ഞിട്ടുണ്ട്. സങ്കീർണമായ ചികിത്സ വേണ്ടിവരുന്ന കരൾ കാൻസറിനാണ് ഇതു വഴിവയ്ക്കുന്നത്.

പുകച്ചും കരിച്ചും തയാറാക്കുന്നതും സൂക്ഷിച്ചുവയ്ക്കുന്നതുമായ ഭക്ഷണ പദാർഥങ്ങൾ അപകടകരമാണ്. അതുപോലെ ഉപ്പിട്ട് ഉണക്കിസൂക്ഷിക്കുന്ന ഭക്ഷണവസ്തുക്കളുടെ അമിത ഉപയോഗവും കാൻസറിനു വഴിവയ്ക്കാം. ഇത്തരം ഭക്ഷണങ്ങളിലടങ്ങിയിരിക്കുന്ന നൈട്രേറ്റ് ആമാശയത്തിലെ ദഹനരസങ്ങളുമായി പ്രവർത്തിച്ചു നൈട്രോസമൈൻ എന്ന കാൻസർ പ്രേരിതവസ്തുവായിത്തീരുന്നു. ഈ രാസവസ്തുവിന്റെ തുടർച്ചയായ സാന്നിധ്യം കാൻസറിനു കാരണമാകും. ഉപ്പിന്റെ ഉപയോഗം കുറയ്ക്കണമെന്നു നിർദേശിക്കാനുള്ള കാരണവും ഇതുതന്നെ. പ്രതിദിനം അഞ്ചുഗ്രാം വരെ മതി ഉപ്പിന്റെ ഉപയോഗം. എണ്ണ പലതവണ ചൂടാകുമ്പോൾഒരേ എണ്ണ തന്നെ ദിവസങ്ങളോളം ആവർത്തിച്ചു വറുക്കാനും പൊരിക്കാനുമൊക്കെ ഉപയോഗിക്കുന്നത് അപകടകരമായ ആരോഗ്യശീലമാണ്. എണ്ണ ആവർത്തിച്ചു തിളപ്പിക്കുമ്പോൾ കാൻസറിനു പ്രേരകമായരാസവസ്തുക്കൾ രൂപം കൊള്ളുന്നതായി വ്യക്തമായിട്ടുണ്ട്.

കൃത്രിമ നിറവും മണവും സൂക്ഷിക്കാം . കൃത്രിമനിറവും മണവും രുചിയുമൊക്കെ കലർത്തുന്ന ഭക്ഷണപാനീയങ്ങളും കോളകളും കഴിവതും ഒഴിവാക്കുക. ഭക്ഷണസാധനങ്ങൾ കേടുകൂടാതെ ദീർഘനാൾ സൂക്ഷിച്ചുവയ്ക്കാൻ ചേർക്കുന്ന രാസവസ്തുക്കളും (പ്രിസർവേറ്റീവ്സ്) ശരീരത്തിലെത്തുന്നതു കാൻസർ സാധ്യത വർധിപ്പിക്കും. ടിന്നിലടച്ചതും സംസ്കരിച്ചതുമായ ഭക്ഷണം ഒഴിവാക്കാം. കാൻസർ തടയും ആഹാരം ചില കാൻസർരോഗങ്ങളെ ഫലപ്രദമായി പ്രതിരോധിക്കാൻ ഉചിതമായ ഭക്ഷണത്തിലൂടെ കഴിയും. ആമാശയം, കുടൽ, മലാശയം തുടങ്ങിയ ശരീരഭാഗങ്ങളിലുണ്ടാകുന്ന കാൻസറിനെ പ്രതിരോധിക്കുന്നതിൽ ഭക്ഷണത്തിനു വളരെ പ്രധാന പങ്കു വഹിക്കാൻ കഴിയും. പഴങ്ങളും പച്ചക്കറികളും വേണ്ടത്ര ഉപയോഗിക്കാത്തത് ഏതാണ്ട് ആറു ശതമാനം കാൻസറിനു കാരണമാകുന്നു.