കോവിഡിനെ പ്രതിരോധിക്കാന് ച്യൂയിങ് ഗം കണ്ടെത്തി; മനുഷ്യരില് പരീക്ഷിക്കുന്നതിന് അനുമതി തേടി ഗവേഷകര്
കുറച്ചധികം കാലങ്ങളായി നമ്മള് കോവിഡിന്റെ പിടിയിലാണ്. കോവിഡ് ബാധിതനായ ഒരാള് ചുമയ്ക്കുമ്പോഴോ തുമ്മുമ്പോഴോ സംസാരിക്കുമ്പോഴോ മുഖ്യമായും കൊറോണ വൈറസ് അടങ്ങിയ കണികകള് മറ്റുളളവരിലേയ്ക്ക് പടരുന്നത്. വായ്ക്കുളളിലെ ഉമിനീര് അടങ്ങിയിരിക്കുന്ന വൈറസിന്റെ തോത് രോഗവ്യാപനത്തില് സുപ്രധാനമായ പങ്കു വഹിക്കുന്നുണ്ട്.
ഉമിനീരിലെ കൊറോണ വൈറസ് തോത് നിയന്ത്രിക്കാന് സാധിച്ചാല് രോഗവ്യാപനം കുറയ്ക്കുന്നതിലേയ്ക്കുളള പ്രധാന ചുവടുവയ്പ്പാകും. ഇതിന് സഹായകമായ ഒരു ച്യൂയിങ് ഗം കണ്ടെത്തിയിരിക്കുകയാണ് പെന്സില്വേനിയ സര്വകലാശാലയിലെ ഗവേഷകര്.
സസ്യാധിഷ്ഠിത പ്രോട്ടീന് ഉപയോഗിച്ചാണ് കൊറോണ വൈറസിനെ കുരുക്കാന് കഴിയുന്ന ച്യൂയിങ് ഗമ്മിന് സാധിക്കുമെന്ന് ഗവേഷണത്തിന് നേതൃത്വം നല്കിയ ഹെന് റി ഡാനിയല് പറയുന്നു.
കോവിഡ് മഹാമാരിക്ക് മുന്പ് രക്താതിസമ്മര്ദ ചികിത്സയുടെ സാഹചര്യത്തില് ആന്ജിയോടെന്സിന് കണ്വേര്ട്ടിങ് എന്സൈം2 (എസിഇ2) പ്രോട്ടീനുകളെ കുറിച്ച് പഠനം നടത്തുകയായിരുന്നു ഡാനിയല്. ച്യൂയിങ് ഗാം പരീക്ഷിക്കുന്നതിനായി സസ്യങ്ങളില് എസിഇ2 വളര്ത്തിയ ഗവേഷക സഠഘം മറ്റൊരു സംയുക്തവുമായി ഇതിനെ ബന്ധിപ്പിച്ചു. ഇവയാണ് സസ്യോത്പന്നമാണ് കറുവാപട്ടയുടെ രുചിയുളള ച്യൂയിങ് ഗം ആക്കി മാറ്റിയത.
കോവിഡ് രോഗികളില് നിന്ന് ശേഖരിച്ച ഉമിനീര് സാംപിളുകളില് എസിഇ2 ഗം പരീക്ഷിച്ചു. ഗമ്മുമായി ബന്ധപ്പെട്ട ശേഷം ഉമിനീര് സാംപിളിലെ വൈറല് ആര്എന്എ തോത് വലിയ തോതില് കുറഞ്ഞതായി ഗവേഷകര് കണ്ടെത്തി. മനുഷ്യരില് ഈ ഗം പരീക്ഷിക്കുന്നതിന് അനുമതി തേടിയിരിക്കുകയാണ് ഗവേഷക സംഘം. മോളിക്യുലര് തെറാപ്പി ജേണലിലാണ് ഇതിനെക്കുറിച്ചുളള പഠനം പ്രസിദ്ധീകരിച്ചത്.
https://www.facebook.com/Malayalivartha
