സ്ത്രീകളുടെ ആരോഗ്യസംരക്ഷണത്തിന് ഫോളിക്കാസിഡ്
സ്ത്രീകളുടെ ആരോഗ്യത്തിന് ഫോളിക്കാസിഡ് അത്യാവശ്യമാണ്. വിറ്റാമിന് ബി9 ആണു ഫോളിക്കാസിഡ്. ഓറഞ്ചില് ഫോളിക്കാസിഡ് ധാരാളമുണ്ട്. ജലത്തില് ലയിക്കുന്ന തരം വിറ്റാമിനാണ് ഫോളിക്കാസിഡ് അഥവാ ഫോളേറ്റ്. വിളര്ച്ച, ഓര്മക്കുറവ്, തലച്ചോറിന്റെയും ഞരമ്പുകളുടെയും വളര്ച്ച മുരടിക്കല്, ക്ഷീണം, ചര്മത്തിലുണ്ടാകുന്ന വിളളല്, നാക്കിലുണ്ടാകുന്ന വ്രണം തുടങ്ങിയ രോഗലക്ഷണങ്ങള് ഫോളിക്കാസിഡിന്റെ കുറവുമൂലവും ഉണ്ടാകാം. ജനനവൈകല്യങ്ങള്, ഹൃദയരോഗങ്ങള്, ഓസ്റ്റിയോപൊറോസിസ്, ആമാശയ കാന്സര്, വന്ധ്യത എന്നിവയും ഫോളിക്കാസിഡിന്റെ കുറവു മൂലം ഉണ്ടാകാമെന്നു വിദഗ്ധര്.
രക്തത്തിലുളള ഹോമോസിസ്റ്റൈന് എന്ന അമിനോആസിഡിന്റെ തോതു കുറച്ച് ഹൃദയരോഗസാധ്യത കുറയ്ക്കുന്നു. ഹൃദയാഘാതം, മസ്തിഷ്കാഘാതം എന്നിവയില് നിന്നു സംരക്ഷണം നല്കുന്നു. കുടല്, സ്തനം എന്നിവയിലെ അര്ബുദസാധ്യത കുറയ്ക്കുന്നു. വളര്ച്ചയ്ക്കും പ്രത്യുത്പാദനധര്മങ്ങള്ക്കും അവശ്യപോഷകം. പ്രസവസംബന്ധമായ പ്രശ്നങ്ങള് കുറയ്ക്കുന്നു. ഗര്ഭസ്ഥശിശുവിന്റെ തലച്ചോറിനും നട്ടെല്ലിനും വൈകല്യങ്ങള് ഒഴിവാക്കുന്നതിനു ഗുണപ്രദം. ഗര്ഭത്തിന്റെ ആദ്യആഴ്ചകളില് അവശ്യപോഷകം. പേശികളുടെ വളര്ച്ചയ്ക്കും വികാസത്തിനും സഹായകം.
ചുവന്ന രക്താണുക്കളുടെ നിര്മാണത്തിനു സഹായിക്കുന്നു. കോശങ്ങളിലെ ഡിഎന്എയുടെ നിര്മാണത്തില് മറ്റ് എന്സൈമുകള്ക്കൊപ്പം പ്രവര്ത്തിക്കുന്നു. ഹീമോഗ്ലോബിന്റെ നിര്മാണത്തില് പ്രധാന പങ്കു വഹിക്കുന്നു. ഉത്കണ്ഠ, വിഷാദരോഗം തുടങ്ങിയ മാനസികപ്രശ്നങ്ങള് കുറയ്ക്കുന്നതിനും സഹായകം. ശതാവരി, മധുരനാരങ്ങ, സ്ട്രോബറി, ബീറ്റ്റൂട്ട്, കൂണ്, ബീന്സ്, പയര്, കോളിഫ്ളവര്, ഓറഞ്ച്, നാരങ്ങ, തക്കാളി, ഏത്തപ്പഴം, ചീര പോലെ ഇരുണ്ട പച്ചനിറമുളള ഇലക്കറികള്, പാലുത്പന്നങ്ങള്, വെണ്ണ, കാരറ്റ് തുടങ്ങിയവയില് ഫോളിക്ക്ആസിഡ് ധാരാളം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
