പാരസെറ്റാമോളിന്റെ അമിതോപയോഗം ആപത്ത്
പെട്ടെന്നൊരു തലവേദന വന്നാല് ഡോക്ടറോടു ചോദിക്കാതെ ഉടന് തന്നെ പാരസെറ്റാമോള് വാങ്ങിക്കഴിക്കുന്നവരാണു ഏറെയും. ചിലര് സ്ട്രിപ്പുകണക്കിനു വാങ്ങി ഫസ്റ്റ് എയ്ഡ് ബോക്സില് സൂക്ഷിച്ചിട്ടുമുണ്ടാകും. വേറെയൊന്നും ആലോചിക്കാതെ പാരസൈറ്റാമോള് ഉപയോഗിക്കുന്നത് കടുത്ത ആരോഗ്യപ്രശ്നങ്ങളുണ്ടാക്കുമെന്നാണു ഡോക്ടര്മാര് മുന്നറിയിപ്പു നല്കുന്നത്.
കരളിനെ വളരെയധികം ദോഷം വരുത്തുന്നതാണ് പാരസെറ്റാമോള്. പാരസെറ്റാമോള് ഗുളികകളുടെ കവറില്ത്തന്നെ അവ കരളിനു ദോഷകരമാണെന്ന് രേഖപ്പെടുത്താറുണ്ട്. മൂന്നുഗ്രാമിലേറെ പാരസെറ്റാമോള് ശരീരത്തിലെത്തിയാല് കരളിന്റെ പ്രവര്ത്തനത്തെ ബാധിക്കും. അപകടം ഒഴിവാക്കാന് ഡോക്ടറുടെ നിര്ദേശപ്രകാരം മാത്രം അതും നിര്ദേശിച്ച ഡോസില് മാത്രമേ പാരസെറ്റാമോള് കഴിക്കാവു.
ആമാശയ വീക്കത്തിന് കാരണമാകും. പാരസെറ്റാമോളിന്റെ അളവുകൂടിയാല് ദഹനക്കുറവിനും വയറുവീര്ക്കുന്നതിനും കാരണമായേക്കാം. ഇങ്ങനെ തോന്നുന്നുവെങ്കില് ഉടന് ഡോക്ടറെ കാണണം. കൂടാതെ ഇത് അലര്ജിയുണ്ടാക്കും. ശരീരത്തില് പലയിടത്തായി ചുവന്നു തുടുത്ത പാടുകളുണ്ടായേക്കാം.
കരള് അമിതാധ്വാനം ചെയ്യേണ്ടി വരുന്നതുകൊണ്ടുണ്ടാകുന്ന ക്ഷീണാവസ്ഥ അഥവാ ഉറക്കംതൂങ്ങലുണ്ടാകും. മറവി, അസ്വസ്ഥത തുടങ്ങിയ ലക്ഷണങ്ങളും കണ്ടേക്കാം.
പാരസെറ്റാമോളിന്റെ അളവുവീണ്ടും കൂടിയാല് കരളിന്റെ പ്രവര്ത്തനം പൂര്ണമായും നിലയ്ക്കുന്ന സ്ഥിതിവരാം. കരള്രോഗമുള്ളവര് ഡോക്ടറുടെ നിര്ദേശമില്ലാതെ ഒരുകാരണവശാലും പാരസെറ്റാമോള് കഴിക്കരുത്. വൃക്കകളേയും തകറാറിലാക്കാന് കൂടിയ അളവിലുള്ള പാരസെറ്റാമോളിനു കഴിയും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
