ഹോബിയെക്കാള്‍ ഫിറ്റ്‌നസ് എന്ന രീതില്‍ സൈക്കിള്‍ യാത്രയെ കാണുന്നവരാണ് ഇപ്പോള്‍ കൂടുതല്‍. രാവിലെ നടക്കാന്‍ പോകുന്നതിനു പകരം സൈക്കിളില്‍ യാത്ര ചെയ്താല്‍ നല്ലതാണ്. സൈക്കിളിങ്ങും എയ്‌റോബികും ഒരു വ്യായാമം തന്നെയാണ്. ഓക്‌സിജന്‍ കൂടുതല്‍ ഉപയോഗിക്കുന്ന വ്യായാമങ്ങളാണ് എയ്‌റോബിക് വ്യായാമങ്ങള്‍. നടത്തവും ജോഗിങ്ങുംപോലെ തന്നെ ഹൃദയധമനികള്‍ക്ക് ഏറ്റവും നല്ലതാണ് സൈക്കിളിങ്ങും. ഹൃദയത്തിലേക്കുള്ള രക്തയോട്ടം കൂടുകയും കൂടുതല്‍ ഉന്മേഷം ലഭിക്കുകയും ചെയ്യും.

ശരീരത്തിന് മുഴുവനായും ലഭിക്കുന്ന വ്യായാമം തന്നെയാണ് സൈക്കിളിങ്. ഹൃദയധമനികള്‍ക്ക് പുറമെ കാലിന്റെ മസിലുകള്‍ക്കും നടുവിനും ഒക്കെ ഈ വ്യായാമം നല്ലതാണ്. സൈക്കിള്‍ ചവിട്ടുന്നതോടെ വയര്‍, അരക്കെട്ട്,കാല്‍ മസിലുകള്‍ ഉള്‍പ്പെടുന്ന മിഡില്‍ ബോഡിക് ഉറപ്പുകൂടുന്നു.

രണ്ടും എയ്‌റോബിക് വ്യായാമം തന്നെയാണെങ്കിലും നടത്തവും സൈക്കിളിങ്ങും താരതമ്യം ചെയ്തു നോക്കുമ്പോള്‍ കൊടുത്താല്‍ കാലറി എരിച്ചുകളയുന്നത് സൈക്കിളിങ്ങിലൂടെയാണ്. അതുകൊണ്ടുതന്നെ വണ്ണം കുറയ്ക്കാന്‍ നീന്തലിനെ പോലെ തന്നെ മികച്ച വ്യായാമമായി ഇതിനെ കാണുന്നവരുണ്ട്. ജോഗിങ് നടത്തുമ്പോഴും ഓടുമ്പോഴും കാല്‍മുട്ടുകള്‍ക്കുണ്ടാകുന്ന അമിത ആയാസം സൈക്കിള്‍ വ്യായാമത്തില്‍ ഇല്ല.. പലപ്പോഴും അമിതവണ്ണമുള്ളവര്‍ നടക്കുമ്പോഴും ജോഗിങ് ചെയുമ്പോഴും നടുവിനും മുട്ടിനും വേദന ഉണ്ടാവാന്‍ സാധ്യതയുണ്ട്. ഇത് സൈക്കിളിങ്ങില്‍ ഉണ്ടാവില്ല. ഗിയറുള്ള സൈക്കിളുകള്‍ അമിതമായ ആയാസം കുറക്കുന്നു. കാലിലെ സന്ധികള്‍ക്ക് ആയാസം കുറഞ്ഞ് പേശികള്‍ക്ക് മികച്ച വ്യായാമം കിട്ടുന്നതിനേക്കാള്‍ വളരെ വേഗത്തില്‍ കാല്‍മസിലുകള്‍ക്ക് ഉറപ്പുകിട്ടാന്‍ സൈക്കിളിങ്ങാണ് നല്ലത്. 

സൈക്കിളിങ് ഗുണങ്ങള്‍

*സൈക്കിളിങ് മാനസിക സമ്മര്‍ദ്ദം അകറ്റുന്നു.

*പ്രമേഹസാധ്യതയും രക്തസമ്മര്‍ദവും കുറക്കുന്നു

*പേശികളെ ശക്തിയുള്ളതാക്കുന്നു

*ശ്വാസകോശ ക്ഷമത കൂടുന്നു

*എല്ലുകളെ ബലപ്പെടുത്തുന്നു

ഓര്‍ത്തിരിക്കാന്‍ ചിലത്

*വയര്‍ നിറയെ ഭക്ഷണം കഴിച്ച ഉടനെയോ വെറും വയറോടെയോ സൈക്കിള്‍ ചവിട്ടരുത്.

*സൈക്കിളിലില്‍ ഇരിക്കുന്നതും ശ്രദ്ധിക്കണം . നടുവ് ഭാഗം കുനിഞ്ഞ് ഇരിക്കുന്നത്.

*വ്യായാമത്തിനു മുന്‍പ് ഒരു നേന്ത്ര പഴമോ ഒരു ഗ്ലാസ് പാല്‍ കുടിക്കുന്നതും നല്ലതാണ്