ലോകാരോഗ്യസംഘടനയുടെ ആഹ്വാനം അനുസരിച്ച് ലോകമാകെ ഫെബ്രുവരി നാല് കാന്‍സര്‍ ദിനമായി ആചരിക്കുന്നു. ഈ വര്‍ഷത്തെ കാന്‍സര്‍ ദിന സന്ദേശം 'നിങ്ങള്‍ക്ക് കഴിയും ; നമുക്ക് കഴിയും ; കാന്‍സര്‍ നിയന്ത്രിക്കാന്‍ ' എന്നാണ് . കാന്‍സര്‍ ബോധ വത്കരണത്തിലൂടെയും വരാതെ തടഞ്ഞും , നേരത്തെ കണ്ടുപിച്ച ചികില്‍സിച്ചതും വളരെയധികം കാന്‍സര്‍ മരണങ്ങള്‍ ഒഴിവാക്കാം.

ലോകാരോഗ്യ സംഘടനയുടെ കാന്‍സര്‍ നിയന്ത്രണ പ്രവര്‍ത്തനങ്ങളില്‍ ഊന്നല്‍ നല്‍കുന്ന ഏറ്റവും വലുതും പഴക്കം ചെന്നതുമായ യൂ . ഐ. സി. സി. എന്ന സംഘടന 2000 മാണ്ടില്‍ പാരീസില്‍ വച്ച് , എല്ലാ വര്‍ഷവും ഫെബ്രുവരി 4 ലോക കാന്‍സര്‍ ദിനമായി ആചരിക്കാന്‍ തീരുമാനിച്ചു. 2016 ,2017, 2018 വര്‍ഷങ്ങളില്‍ ഒരേ തീമാണ് യൂ. ഐ. സി. സി നിര്‍ദ്ദേശിച്ചിരിക്കുന്നത് . കാന്‍സര്‍ നിയന്ത്രണത്തില്‍ ഒരു സമൂഹമെന്ന നിലയിലും , ഒരു വ്യക്തിയെന്ന നിലയിലും എന്തെല്ലാം ചെയ്യാമെന്ന് കാന്‍സര്‍ നിയന്ത്രണ പ്രവര്‍ത്തനങ്ങള്‍ക്ക് ചുമതലയുള്ള സര്‍ക്കാര്‍ വകുപ്പുകളും , സന്നദ്ധ സംഘടനകളും ഫെബ്രുവരി 4 നു ഒരേ വേദിയില്‍ വച്ച ചര്‍ച്ച ചെയ്യുകയും , അടുത്ത ഒരു വര്‍ഷം സംസ്ഥാനത്തിന്റെ സംയുക്ത കാന്‍സര്‍ നിയന്ത്രണ പരിപാടികളുടെ ഒരു രൂപരേഖ തയ്യാറാക്കുകയും ചെയ്യുക എന്നതാണ് ഈ വര്‍ഷത്തെ കാന്‍സര്‍ ദിനാചരണത്തിന്റെ പ്രധാന അജണ്ട .

യൂ. ഐ. സി. സി. യുടെ കണക്കുകള്‍ അനുസരിച്ച ആഗോള തലത്തില്‍ 8 ലക്ഷം ആളുകള്‍ 2016 ല്‍ രോഗം വന്നു മരിച്ചു എന്നാണു കണക്ക് . ഇതില്‍ കൂടുതല്‍ പേരും 30 വയസിനും 60 വയസിനും ഇടയ്ക്ക് പ്രായമുള്ളവരാണ് . 2030 ആകുമ്പോഴേക്കും മരണ നിരക്ക് 1 കോടി 20 ലക്ഷം കടക്കുമെന്നാണ് സ്ഥിതി വിവര കണക്കുകള്‍ പ്രവചിക്കുന്നത്.. ശരിയായ കാന്‍സര്‍ നിയന്ത്രണ മാര്ഗങ്ങള് അനുവര്‍ത്തിച്ചാല്‍ വളരെ പേരെ കാന്‍സര്‍ മരണത്തില്‍ നിന്ന് രക്ഷിക്കാം. ശരിയായ ബോധവല്‍ക്കരണം, നേരത്തെയുള്ള രോഗനിര്ണയം , ചികിത്സാമാര്ഗങ്ങളുടെ അവബോധം എന്നിവ വഴി ജനങ്ങളെ ശാക്തീകരിക്കുകയാണ് ഏറ്റവും ഫലപ്രദമായ കാന്‍സര്‍ നിയന്ത്രണ മാര്‍ഗം.

ഇന്ന് പുരുഷന്മാരില്‍ കൂടുതലായും കാണപ്പെടുന്നത് വായിലെ കാന്‍സര്‍ ആണ് . അമിതമായ മുറുക്കല്‍ കാരണം മീന്‍പിടിത്ത തൊഴിലാളികള്‍ക്കിടയിലാണ് വായിലെ കാന്‍സര്‍ കൂടുതലായും കാണപ്പെടുന്നത്. സ്ത്രീകളില്‍ കൂടുതലായും സ്തന കാന്‍സര്‍ , ഗര്‍ഭാശയ കാന്‍സര്‍ എന്നിവയാണ് കൂടുതലായും കണ്ടു വരുന്നത് . ഇതിനു പുറകിലെ കാരണവും ഇന്നത്തെ ജീവിത രീതികള്‍ തന്നെയാണ് .

ഈ വര്‍ഷം റീജണല്‍ കാന്‍സര്‍ സെന്റര്‍ ആരോഗ്യരക്ഷാ വകുപ്പ്, തിരുവനന്തപുരം കോര്‍പ്പറേഷന്‍, ദേശീയ ആരോഗ്യമിഷന്‍ , സാമൂഹ്യനീതിവകുപ്പ് , ജില്ലാ പഞ്ചായത്ത് എന്നീ പൊതു വകുപ്പുകളും റീജണല്‍ കാന്‍സര്‍ അസോസിയേഷന്‍ , തിരുവനന്തപുരം ഓങ്കോളജി ക്ലബ് , കാന്‍സര്‍ കണ്ടറോള്‍ ഫൗണ്ടേഷന്‍ ഓഫ് ഇന്ത്യ , നാഷണല്‍ സര്‍വീസ് സ്‌കീം , നാഷണല്‍ സ്‌കൗട് ആന്‍ഡ് ഗൈഡ് എന്നീ സന്നദ്ധ സംഘടനകളും ചേര്‍ന്ന് വി.ജെ.ടി. ഹാളില്‍ വച്ച ലോക കാന്‍സര്‍ ദിനം സംയുക്തമായി ആചരിക്കുന്നു.
വ്യക്തി പരമായി അപഗ്രഥിക്കുമ്പോള്‍ കാന്‍സര്‍ നിയന്ത്രണത്തിന് ബോധവത്കരണമാണ് പ്രധാനം . തുഇരുവനന്തപുരത് ധാരാളം സന്നദ്ധ സംഘടനകള്‍ കാന്‍സര്‍ നിയന്ത്രണത്തില്‍ ഏര്‍പ്പെട്ടിരിക്കുന്നു. രോഗം വരാതെ തടയാന്‍ പുകയില നിയന്ത്രണം , അന്തരീക്ഷ മലിനീകരണ നിയന്ത്രണം, ആഹാര ശൈലി മാറ്റങ്ങള്‍, ജൈവകൃഷിയുടെ പ്രോത്സാഹനം എന്നിവയില്‍ വളരെ അധികം ശ്രദ്ധിക്കേണ്ടി ഇരിക്കുന്നു.