തിളയ്ക്കുന്ന വെളളത്തില് അരിയിടുമ്പോള്
മലയാളികളുടെ മുഖ്യ ആഹാരം ആരി ആഹാരമാണ്. ഒരു നേരമെങ്കിലും അരി ആഹാരം കഴിച്ചില്ലെങ്കില് ഉറക്കം വരില്ല എന്ന അവസ്ഥായാണ് മലയാളിക്ക്. എന്നാല അരി വേവിക്കുന്ന രീതി കാന്സര് പോലുളള മാരക രോഗങ്ങളെ ക്ഷണിച്ചുവരുത്തുമെന്നാണ് പുതിയ പഠനങ്ങള് തെളിയിക്കുന്നത്. കീടനാശിനിയില് നിന്നും വളത്തില് നിന്നും അരിയില് എത്തിച്ചേരുന്ന ആഴ്സനിക് പോലുളള രാസവസ്തുക്കള് ഹൃദ്രോഗം, പ്രമേഹം, കാന്സര് തുടങ്ങിയ ഗുരുതര രോഗങ്ങളുണ്ടാക്കുമെന്നാണ് പഠനം.
വെളളം തിളപ്പിച്ചതിനുശേഷമാണ് അരി അതിലേക്കിട്ട് ചോറുണ്ടാക്കുന്നത്. തിളയ്ക്കുന്ന വെളളത്തില് അരി നേരിട്ടിടുമ്പോള് കീടനാശിനിയുടേയും വളത്തിന്റെയും ഉപയോഗത്തിന്റെ ഫലമായി മലിനമാകുന്ന ജലത്തില് നിന്നും അരിയില് എത്തിച്ചേരുന്ന ഓര്ഗാനിക് രൂപത്തിലല്ലാത്ത ആഴ്സനിക് പോലുളള രാസവസ്തുക്കള് ശരീരത്തിലെത്തുമെന്നും ഇത് ഹൃദ്രോഗം, പ്രമേഹം, കാന്സര് തുടങ്ങിയ ഗുരുതരരോഗങ്ങള്ക്ക് കാരണമാകുമെന്നും ബെല്ഫാസ്ററ് ക്വീന്സ് യൂണിവേഴ്സിറ്റിയിലെ ഗവേഷകര് നടത്തിയ പഠനത്തില് കണ്ടെത്തി.
ആര്സനിക് മാരകവിഷാംശമുളളതാണ്. അരിയില് അമിതമായ അളവില് ഇത് ധാരാളം അടങ്ങിയിട്ടുണ്ട്. അരി ചൂടുവെള്ളത്തില് തിളപ്പിക്കുമ്പോള് ആര്സെനിക്കിന്റെ വിഷാംശം കുറയുമെന്നായിരുന്നു ഇതുവരെ കരുതിയിരുന്നത്. എന്നാല് ഇത് പൂര്ണ്ണമായും തെറ്റാണെന്നാണ് പഠനങ്ങള് തെളിയിക്കുന്നത്. തലേദിവസം വെളളത്തില് ഇട്ടുവച്ചതിനുശേഷം വേവിച്ചെടുത്താല് കീടനാശിനികളുടെ സാന്നിധ്യം 80% കുറയുമെന്നാണ് പഠനങ്ങള് പറയുന്നത്.
https://www.facebook.com/Malayalivartha
