നന്നായി ഉറങ്ങുന്ന കുട്ടികള്‍ക്ക് മറ്റ് കുട്ടികളെക്കാള്‍ പഠിക്കാനുളള കഴിവ് കൂടുതലായിരിക്കുമെന്നാണ് പഠനങ്ങള്‍ തെളിയിക്കുന്നത്. ആറുമാസം വരെ പ്രായമുളള കുട്ടികള്‍ ദിവസത്തില്‍ 6 തവണയെങ്കിലും ഉറങ്ങും. മൂന്ന് വയസ്സിനകത്ത് പ്രായമുളള കുട്ടികള്‍ക്ക് ഉറക്കം കുറയും. ഈ പ്രായത്തിനകത്തുളള കുട്ടികള്‍ ദിവസവും ഒരു തവണയെങ്കിലും കുറച്ചുനേരം ഉറങ്ങുന്നത് നല്ലതാണം. പഠിച്ചത് ഓര്‍മയില്‍ നിക്കാന്‍ ആഴത്തിലുളള ഉറക്കം നല്ലതാണെന്നാണ് ഗവേഷകര്‍ അഭിപ്രായപ്പെടുന്നത്. 

പുതിയ വാക്കുകള്‍ പഠിച്ച് ഒരു മണിക്കൂറിനകം ഉറങ്ങുന്ന കുട്ടികള്‍ക്ക് പഠിച്ചത് പ്രയോഗത്തില്‍ കൊണ്ടുവരാന്‍ മറ്റുകുട്ടികളേക്കാള്‍ വൈദഗ്ധ്യം കൂടും. ആഴത്തിലുളള ഉറക്കത്തില്‍ തലച്ചോറ് ഓര്‍മകളെ ആവര്‍ത്തിച്ച് പുനര്‍ദൃശ്യവത്കരിക്കുന്നതിനാല്‍ പഠിച്ചകാര്യങ്ങള്‍ മറക്കാതെ ഓര്‍മ്മയിലുണ്ടാകും. മൂന്നുവയസുളള കുട്ടികള്‍ ദിവസവും 12 മണിക്കൂറെങ്കിലും ഉറങ്ങണം.അങ്ങനെ ഉറങ്ങിയില്ലെങ്കില്‍ ഭാവിയില്‍ അറിവ് നേടുന്നതിനെ അത് ദോഷകരമായി ബാധിക്കും.

മൂന്ന് വയസ്സുളള 39 കുട്ടികളെ സ്ഥിരമായി ഉറങ്ങുന്നവരും അല്ലാത്തവരും എന്ന് രണ്ട് ഗ്രൂപ്പായി തിരിച്ച് നടത്തിയ പഠനത്തിലാണ് ഇങ്ങനൊരു നിഗമനത്തിലെത്തിയത്. അതിനാല്‍ ഈ പ്രായത്തിലുളള കുട്ടികളുടെ ഉറക്കം ക്രമീകരിക്കുന്നതില്‍ രക്ഷിതാക്കള്‍ പ്രത്യേകം ശ്രദ്ധിക്കണമെന്നാണ് ഗവേഷകരുടെ അഭിപ്രായം.