സാമുദ്രിക ശാസ്ത്രത്തിൽ സ്ത്രീകളുടെ ലക്ഷണങ്ങളെക്കുറിച്ച് മാത്രമല്ല പുരുഷ ലക്ഷണങ്ങളും പറയുന്നുണ്ട് . അവ ഏതൊക്കെയാണെന്ന് നോക്കാം
പുരുഷന്മാരുടെ മൂക്ക് ,കണ്ണ് ,കൈവിരലുകൾ ,നെറ്റി എന്നിവയെല്ലാം സാമുദ്രിക ശാസ്ത്രത്തിൽ  പരാമർശിക്കപ്പെടുന്നവയാണ് 

ലക്ഷണശാസ്ത്രപ്രകാരം നീണ്ട മൂക്കുള്ള പുരുഷന്മാർ ഭാഗ്യാന്വേഷികളായിരിക്കും. ഭാഗ്യദേവത എപ്പോഴും ഇവരുടെ കൂടെ ഉണ്ടാകും. ഒരു രംഗത്തും ഇവർ പരാജയം അറിയാറില്ല .

ചെറിയ ചുണ്ടും വിരിഞ്ഞ നെഞ്ചും പുരുഷന്മാർക്ക് ഭാഗ്യ ലക്ഷണങ്ങളാണത്രെ. എന്നാൽ ചഞ്ചല മിഴികൾ ദാരിദ്ര്യത്തിന്റെ ലക്ഷണങ്ങളാണ്. കട്ടിയുള്ള നീളമുള്ള പുരികവും ഉത്തമ പുരുഷ ലക്ഷണമാണത്രെ 

കാൽവിരലുകൾ ഒന്നിനുമീതെ ഒന്ന് കയറിയിരിക്കുന്നതും ഒന്നിലധികം വിരലുകൾ ഉണ്ടായിരുന്നതും നല്ലതല്ല. കാലിലെ ഞരമ്പുകൾ എഴുന്നു നിൽക്കുന്നവർ ദുഖിതരായിരിക്കും.

കൈവിരലുകൾക്ക് ഒരേ നീളമാണെങ്കിൽ അത്തരക്കാർക്കു ആയുസ്സ് കൂടും. വീതിയുള്ള നെറ്റിയുള്ളവർ പണ്ഡിതനും വീതി കുറഞ്ഞവർ പാമരനും ആയിരിക്കും. നെറ്റിക്ക് നാല് വിരൽ വീതിയാണ് സാമുദ്രിക ശാസ്ത്രപ്രകാരം ഉത്തമം.

തലയുടെ മധ്യഭാഗത്തോ വലതുഭാഗത്തോ വലംപിരി ചുഴിയുണ്ടെങ്കിൽ അവൻ ഉത്തമനായ പുരുഷനാണെന്നും സാമുദ്രിക ശാസ്ത്രം പറയുന്നു.