പോഷകങ്ങളുടെ കലവറയാണ് മത്സങ്ങള്
മത്സ്യങ്ങള് പൂരിഭാഗം പേര്ക്കും ഇഷ്ടമാണ്. പോഷകങ്ങളുടെയും ഔഷധങ്ങളുടെയും കലവറയാണ് മത്സ്യം. ഒരോ മത്സത്തിനും അതിന്റേതായ പ്രാധാന്യമുണ്ട്. മറ്റു ഭക്ഷണങ്ങളില് നിന്ന് ലഭിക്കാന് സാധ്യത കുറഞ്ഞ പല പോഷകങ്ങളും മത്സത്യത്തില് നിന്ന് ലഭിക്കുന്നു. പോഷകഗുണത്തിന്റെ കാര്യത്തില് ചില മത്സ്യങ്ങള്ക്ക് മറ്റുള്ളവയേക്കാള് കൂടുതല് പ്രാധാന്യമുണ്ട്. ഉദാഹരണത്തിന് കൊഴുപ്പു കൂടുതല് അടങ്ങിയ മത്സ്യങ്ങള്. മത്തി, അയല, കൊഴുവ, ചൂര, ട്രൗട്ട്, സാല്മണ് എന്നിവയൊക്കെ ഇക്കൂട്ടത്തില് പെടുന്നു. അലിയുന്ന വിറ്റാമിന് ഡി, അപൂരിത കൊഴുപ്പുകളായ ഒമേഗ3 ഫാറ്റിആസിഡുകള്എന്നിവ ഇത്തരം കൊഴുപ്പേറിയ മത്സ്യങ്ങളില് സമൃദ്ധമാണ്. അതിനാല് ഇവയ്ക്ക് ഔഷധമൂല്യവും കൂടുതലാണ്. അടുത്തകാലത്തായി പല ഗവേഷണഫലങ്ങളും മത്സ്യവിഭവങ്ങളുടെ ഔഷധമൂല്യത്തെപ്പറ്റി പറയുന്നുണ്ട്.
കാല്സ്യം, അയഡിന്, ഇരുമ്പ്, ചെമ്പ്, മാംഗനീസ്, സിങ്ക്, പൊട്ടാസ്യം, സെലീനിയം, മഗ്നീഷ്യം, സ്ട്രോണ്ഷ്യം എന്നിവയുടെയും വിറ്റാമിന് എ, ഡി, ബി കോംപ്ലക്സ് എന്നിവയുടെയും സാന്നിധ്യം മത്സ്യത്തെ മികച്ച ഭക്ഷണമാക്കുന്നു. ചെമ്മീന്, ഞണ്ട്, സാല്മണ് മത്സ്യം എന്നിവയില് ധാരാളമുള്ള അസ്റ്റാക്സാന്തിനുകള്!, ഓക്സീകരണം വഴി ശരീരത്തിനുണ്ടാകുന്ന കേടുപാടുകള് ചെറുക്കുകയും പരിഹരിക്കുകയും ചെയ്യുന്നു. കടല് മത്സ്യങ്ങളില് പൊതുവായും കക്ക, ചിപ്പി പോലുള്ളവയില് പ്രത്യേകിച്ചും കാണപ്പെടുന്ന ഒരു അമിനോആസിഡ് ആയ ടൗറിന് കണ്ണിന്റെയും നാഡീഞരമ്പുകളുടെയും ഗര്ഭാവസ്ഥയിലുള്ള കുഞ്ഞിന്റെ വളര്ച്ചക്കും അത്യാവശ്യമാണ്. ശിശുക്കള്ക്കുവേണ്ടിയുള്ള സമീകൃതാഹാരങ്ങളില് ടൗറിന് ഒരു പ്രധാന ഘടകമാകുന്നത് അതുകൊണ്ടാണ്.
കലോറിയും ലവണാംശവും കുറഞ്ഞ പോഷകാഹാരമാണ് മത്സ്യം. അതേസമയം, പ്രോട്ടീനും ധാതുക്കളും വിറ്റാമിനുകളും സൂക്ഷ്മപോഷകങ്ങളും സമൃദ്ധം. എളുപ്പം ദഹിക്കുകയും ചെയ്യും.സോഡിയം പോലുള്ള ലവണങ്ങള് തീരെ കുറവായതുകൊണ്ട് രക്തസമ്മര്ദം കൂടിയവര്ക്കും ഹൃദ്രോഗികള്ക്കും പേടികൂടാതെ കഴിക്കാം.മത്സ്യങ്ങളില് ഡോക്കോസ ഹെക്സനോയിക് ആസിഡ് (ഉഒഅ), എയ്ക്കോസ പെന്റനോയിക് ആസിഡ് (ഋജഅ) എന്നിങ്ങനെ രണ്ടുതരം ഒമേഗ 3 ഫാറ്റി ആസിഡുകളുണ്ട്. ശരീരത്തിന് ദ്രോഹംചെയ്യാത്ത അപൂരിത കൊഴുപ്പുകളാണിവ. ശരീരത്തിന്റെ പൊതുവായ ആരോഗ്യം നിലനിര്ത്താനും നാഡീഞരമ്പുകളുടെയും രക്തക്കുഴലുകളുടെയും ഹൃദയത്തിന്റെയും സുഗമമായ പ്രവര്ത്തനത്തിനും ഈ ഫാറ്റി ആസിഡുകള് ഏറെ സഹായിക്കുന്നു. അതിനാല് ഹൃദയാഘാതം, തളര്വാതം എന്നിവയുടെ സാധ്യത കുറയ്ക്കാന് കൊഴുപ്പേറിയ മത്സ്യങ്ങളുടെ ഉപയോഗം സഹായിക്കും.
നല്ല ഉറക്കത്തിനും തലച്ചോറിന്റെ ആരോഗ്യകരമായ പ്രവര്ത്തനത്തിനും മത്സ്യം കഴിക്കുന്നത് നല്ലതാണ്. സ്ത്രീകളിലും പെണ്കുട്ടികളിലും സാധാരണ കാണപ്പെടുന്ന ആരോഗ്യപ്രശ്നമാണ് വിളര്ച്ച. ഇരുമ്പ് അടങ്ങിയ ഭക്ഷ്യവസ്തുക്കളുടെ ഉപയോഗമാണ് ഇതിനുള്ള പരിഹാരം. സസ്യസ്രോതസ്സുകളെ അപേക്ഷിച് മത്സ്യം ഉള്പ്പെടെയുള്ള മാംസഭക്ഷണങ്ങളില്നിന്നുള്ള ഇരുമ്പിന്റെ ജൈവലഭ്യത വളരെ കൂടുതലാണ്. വിറ്റാമിന്ബി12, ഫോളിക് ആസിഡ്എന്നിവയുടെ കുറവു മൂലവും വിളര്ച്ച സംഭവിക്കാം. ഈ സാഹചര്യത്തിലും മത്സ്യവിഭവങ്ങളുടെ ഉപയോഗം ഒരു ഉത്തമ പരിഹാരമാണ്. മത്സ്യം ഭക്ഷിക്കുന്നത് ശാരീരികമാനസിക ആരോഗ്യം നിലനിര്ത്താനും വാര്ദ്ധക്യത്തെ ഒരു പരിധിവരെ ചെറുക്കാനും സഹായിക്കുന്നു. ആഴ്ച്ചയില് 23 തവണയെങ്കിലും മത്സ്യം ആഹാരത്തില് ഉള്പ്പെടുത്തുന്നത് നല്ലതാണ്.
https://www.facebook.com/Malayalivartha
