മുടി നരയ്ക്കുന്നതും ഹൃദയത്തിന്റെ ആരോഗ്യവുമായി ബന്ധമുണ്ടോ?
വളറെ ചെറുപ്രായത്തില് തന്നെ നരബാധിക്കുന്നത് ഇപ്പോള് സര്വ്വസാധരണമാണ്. അമിതമായ മാനസിക സമ്മര്ദവും അകാലനരയ്ക്കു കാരണമാണെന്ന് ഡോക്ടര്മാര് വ്യക്തമാക്കുന്നു. അകാലനര കേവലം സൗന്ദര്യ പ്രശ്നം മാത്രമല്ലെന്നും അത് ഹൃദയവുമായി ബന്ധപ്പെട്ട പല രോഗങ്ങളുടെയും മുന്നറിയിപ്പാണെന്നുമാണ് പഠനങ്ങള് വ്യക്തമാക്കുന്നത്. പാരമ്പര്യമായി നേരത്തെ നര ബാധിക്കുന്നവര്ക്ക് ഇതു ബാധകമല്ല. പുരുഷന്മാരിലാണ് ഇത് സാധാരണയായി കണ്ടുവരുന്നത്. ലണ്ടനില് നിന്നുളള ഗവേഷകരാണ് ഇത്തരത്തില് ഒരു പഠനം നടത്തിയത്. നാലു തരത്തില്പ്പെട്ട ആളുകളെയാണ് ഇതുസംബന്ധിച്ച പഠനത്തിന് വിധേയരാക്കിയത്.
മുഴുവന് കറുത്ത മുടിയുള്ളവര്, മുഴുവന് വെളുത്തു നരച്ച മുടിയുള്ളവര്, പാതിയിലേറെ മുടി നരച്ചവര്, പാതിയില് താഴെ മാത്രം മുടി നരച്ചവര് എന്നിങ്ങനെ വിവിധ തരം സ്വഭാവമുള്ള മുടിയുള്ളവരെയും അവരുടെ ഹൃദയസംബന്ധമായ രോഗങ്ങളെയും വിശദമായി പഠിച്ചശേഷമാണ് ഗവേഷകര് നിഗമനത്തില് എത്തിയത്. ഇവരിലെ പ്രമേഹം, രക്തസമ്മര്ദം, പുകവലി, മദ്യപാനം പോലുള്ള ദുശ്ശീലങ്ങള് എന്നിവയും പഠനവിധേയമാക്കി. അകാല നര ബാധിക്കുന്നവരില് ഭൂരിപക്ഷവും വൈകാതെതന്നെ ഹൃദയസംബന്ധമായ രോഗങ്ങള്ക്ക് അടിമപ്പെടുന്നതായി കണ്ടെത്തി. അതായത് ഹൃദയാരോഗ്യം കുറവുള്ളവരില് പലര്ക്കും പ്രായമാകും മുന്പേ നര ബാധിച്ചിരുന്നുവെന്നു സാരം. ഹൃദയത്തിലേക്കുള്ള രക്തചംക്രമണത്തിന് പലരും ബുദ്ധിമുട്ടുകള് അനുഭവിച്ചിരുന്നതായും വ്യക്തമായി.
https://www.facebook.com/Malayalivartha