അമ്മ കാൽ തിരുമ്മിയത് മകന്റെ മരണ കാരണമായി
അനാവശ്യമായ തിരുമ്മൽ ചിലപ്പോൾ അപകടങ്ങൾ വിളിച്ചുവരുത്തും. ഇതിനു ഉദാഹരണമാണ് ഡല്‍ഹിയിൽ നടന്ന ദാരുണമായ സംഭവം. 23കാരനായ യുവാവാണ് 'അമ്മ കാൽ തടവിയതിനെ തുടർന്ന് മരിച്ചത്. ഒരു വര്‍ഷം മുമ്പ് ബാഡ്മിന്റണ്‍ കളിക്കുന്നതിനിടെ യുവാവിന്റെ ഇടത് കണങ്കാല്‍ ഒടിഞ്ഞിരുന്നു. ഇതേതുടര്‍ന്ന് പ്ലാസ്റ്റര്‍ ഇട്ട ഭാഗത്ത് രക്തം കട്ടപിടിച്ചു. കാലിലെ ഞരമ്പില്‍ രക്തം കട്ട പിടിച്ചിരുന്നത് അമ്മ തിരുമ്മിയതിനെ തുടര്‍ന്ന് ശ്വാസകോശത്തിലേക്ക് രക്തം പമ്പ് ചെയ്യുന്ന പള്‍മനറി ധമനിയിലേക്ക് മാറുകയായിരുന്നു. ഇതാണ് യുവാവിന്റെ ജീവനെടുത്തത്
. ഡല്‍ഹി എയിംസില്‍ നടത്തിയ പോസ്റ്റ്‌മോര്‍ട്ടം പരിശോധനയിലാണ് ഇക്കാര്യം വ്യക്തമായത്. കണങ്കാലിലെ പരുക്കിനെ തുടര്‍ന്ന് രക്തം കട്ടപിടിക്കുന്നത് സാധാരണണമാണ്. എന്നാല്‍ ഈ ക്ളോട്ട് പള്‍മനറി ധമനിയിലേക്ക് മാറുന്നതും മരണം സംഭവിക്കുന്നതും അത്യപൂര്‍വമാണെന്ന് ഡോക്ടര്‍മാര്‍ പറയുന്നു.
അമ്മ കാല് തിരുമ്മിയതിനെ തുടര്‍ന്ന് ബോധരഹിതനായ യുവാവിനെ ഉടന്‍ തന്നെ എയിംസില്‍ എത്തിച്ചുവെങ്കിലും മരണം സംഭവിക്കുകയായിരുന്നു. മെഡിക്കോ ലീഗല്‍ ജേര്‍ണലിന്റെ ഏറ്റവും പുതിയ ലക്കത്തിലാണ് അത്യപൂര്‍വമായ കേസ് റിപ്പോര്‍ട്ട് ചെയ്തത്. നിര്‍ദോഷമെന്ന് കരുന്ന തിരുമ്മല്‍ പോലും ദുരന്തകാരണമാകുമെന്നതലന്റെ തെളിവാണ് ഈ സംഭവമെന്ന് എയിംസ് പ്രൊഫസറും ഫോറന്‍സിക് വിഭാഗം മേധാവിയുമായ ഡോ. സുധീര്‍ ഗുപ്ത പറഞ്ഞു
https://www.facebook.com/Malayalivartha
