സ്ത്രീകളുടെ നെഞ്ചിലെ രോമ വളർച്ചക്ക് കാരണം ജീവിത ശൈലിയും ഭക്ഷണ രീതിയും
കൗമാരക്കാരായ പെണ്കുട്ടികള് അനുഭവിക്കുന്ന വലിയൊരു പ്രശ്നമാണ് അനാവശ്യ രോമ വളര്ച്ച. സ്തനങ്ങള്ക്കു ചുറ്റും നെഞ്ച് ഭാഗത്തുമുണ്ടാകുന്ന രോമ വളര്ച്ച ചിലരെ കടുത്ത മാനസിക പ്രശ്നത്തിലേക്ക് വരെ തള്ളിയിട്ടെന്നുവരും. പുരുഷഹോര്മോണായ ആന്ഡ്രജന്റെ ഉത്പാദനം കൂടുന്നതാണ് സ്ത്രീകളില് അമിത രോമവളര്ച്ചയ്ക്ക് കാരണം. ആര്ത്തവത്തിനു ശേഷമാണ് ഇതു കണ്ടുവരുന്നത്. ഇന്നത്തെ ജീവിത ശൈലിയും ഭക്ഷണ രീതിയുമാണ് ഈ പ്രശ്നം വ്യാപകമാകാന് പ്രധാന കാരണം.
പെണ്കുട്ടികളിലെ അമിത രോമവളര്ച്ചയെ ഹെയര്സ്യുട്ടിസം എന്നാണ് അറിയപ്പെടുന്നത്. സ്ത്രീകളിൽ പുരുഷ സെക്സ് ഹോർമോണിന്റെ അളവ് വര്ദ്ധിച്ചു വരുമ്പോളാണ് സാധാരണയായി അമിത രോമവളര്ച്ച (Hirsuitism) കണ്ടുവരുന്നത്. വന്ധ്യതയ്ക്ക് കാരണമായ പോളിസിസ്റ്റിക് ഒവേറിയന് ഡിസീസ് (പി.സി.ഓ.ഡി) ഉള്ളവരില് ഇത്തരത്തില് രോമവളര്ച്ച കാണാറുണ്ട്. മറ്റു പലകാരണങ്ങൾ കൊണ്ടും അമിത രോമവളർച്ച ഉണ്ടാകാം. അതിനാല് സ്കാന് ചെയ്ത് രോമവളര്ച്ചയുടെ യഥാര്ഥ കാരണം കണ്ടെത്തുന്നത് നന്നായിരിക്കും.
ഹെര്സൂട്ടിസത്തിന്റെ കാരണങ്ങൾ പലരിലും വ്യത്യസ്ഥമായിരിക്കുന്നത് കൊണ്ട് രോഗകാരണങ്ങൾ എന്തെന്ന് കണ്ടുപിടിക്കുക എന്നതാണ് ചികിത്സ തുടങ്ങുന്നതിന്റെ ആദ്യപടി. ഇതിനായി പരിചയ സമ്പന്നനായ ഒരു ഡര്മറ്റോളജിസ്റ്റ്നെ സമീപിക്കാവുന്നതാണ്. എക്സാമിൻ ചെയ്തതിനു ശേഷം ബ്ലഡ് ടെസ്റ്റ്, അൾട്രാ സൗണ്ട് സ്കാന്നിംഗ് മുതലായ ടെസ്റ്റുകൾക്ക് ഡോക്ടര് നിർദേശിച്ചേക്കാം. ചികിത്സയോടൊപ്പം സ്ഥിരമായതോ താൽകാലികമോ ആയ ഹെയർ റിമൂവൽ മാർഗ്ഗങ്ങൾ ഉപയോഗിക്കാവുന്നതാണ്.
പാര്ശ്വഫലങ്ങള് ഇല്ലാത്ത ലേസര് ചികിത്സയിലൂടെ സ്തനത്തില് ഉണ്ടാകുന്ന രോമങ്ങള് പൂര്ണമായും നീക്കം ചെയ്യാം.
https://www.facebook.com/Malayalivartha
