മറക്കാതിരിക്കാൻ ഓർമശക്തി കൂട്ടാം
മനുഷ്യന് മാത്രമുള്ള സവിശേഷതയാണ് ഓർമ്മ . കുട്ടികൾക്ക് ബ്രഹ്മി കൊടുക്കുന്നത് മുതൽ ഓർമ്മയും ബുദ്ധിയും കൂട്ടാനുള്ള നിരവധി മാർഗ്ഗങ്ങൾ പണ്ടുകാലം മുതൽ പരീക്ഷിക്കുന്നുണ്ട്. ആരോഗ്യശാസ്ത്രവും ഇത്തരം പരീക്ഷണങ്ങളിൽ ഏർപ്പെട്ടിട്ടുണ്ട്.ആവശ്യത്തിന് ഒമേഗ 3 സപ്ളിമെന്റുകളും തലച്ചോറിനു ട്രെയിനിങ്ങും നല്കിയാല് ഓര്മശക്തി ദീര്ഘകാലം നിലനില്ക്കുമെന്ന് ചില പഠനങ്ങള് പറയുകയുണ്ടായി.
ഓടുക, നീന്തല്, സൈക്ളിങ് തുടങ്ങിയ എയ്റോബിക് വ്യായാമങ്ങള് ഓര്മശക്തി വര്ധിപ്പിക്കുമെന്ന് പഠനങ്ങള് പറയുന്നു. ഇക്കാര്യം മറ്റ് പഠനങ്ങളും സ്ഥിരീകരിച്ചിട്ടുള്ളതാണ്. വെയ്റ്റ് ലിഫ്റ്റിങ്, പുഷ് അപ്, സിറ്റ് അപ് തുടങ്ങിയ റെസിസ്റ്റന്സ് വ്യായാമങ്ങള് ഓര്മ്മശക്തി വർധിപ്പിക്കുമെന്ന് പുതിയ പഠന റിപ്പോർട്ടുകൾ പുറത്തുവന്നിട്ടുണ്ട്.
അറ്റ്ലാന്റയിലെ ജോര്ജിയ ഇന്സ്റ്റിറ്റ്യൂട്ട് ഓഫ് ടെക്നോളജിയിലെ ഗവേഷകര് നടത്തിയ പഠനത്തില് തെളിഞ്ഞിരിക്കുന്നത് ദിവസവും കുറഞ്ഞത് 20 മിനിട്ടെങ്കിലും ജിമ്മില് വര്ക്ഔട്ട് ചെയ്യുകയാണെങ്കില് ദീര്ഘനാള് ഓര്മശക്തി നിലനില്ക്കുമെന്നാണ് . ആക്ട സൈക്കോളജിക്ക എന്ന ജേണലിലാണ് ഈ പഠനം പ്രസിദ്ധീകരിച്ചിരിക്കുന്നത്.
29 സ്ത്രീകളും 17 പുരുഷന്മാരും അടങ്ങിയ 46 പേരെ രണ്ടു ഗ്രൂപ്പുകളായി തിരിച്ച് നടത്തിയ പഠനത്തിലാണ് വിവരങ്ങള് വെളിപ്പെട്ടത്. മുഴുവന് ആള്ക്കാര്ക്കും കംപ്യൂട്ടര് സ്ക്രീനില് 90 ചിത്രങ്ങള് കാട്ടിക്കൊടുത്തു. പോസിറ്റീവ്, നെഗറ്റീവ്, ന്യൂട്രല് എന്നീ ഗ്രൂപ്പുകളായി വിഭജിച്ച് ഈ ചിത്രങ്ങള് ഓര്ത്തെടുക്കാനും ഇവരോട് അവശ്യപ്പെട്ടു.
തുടര്ന്ന് ആക്ടീവ്, പാസീവ് ഗ്രൂപ്പുകളായി തിരിച്ച ഇവര്ക്ക് കാലുകള് കൊണ്ട് വ്യായാമം ചെയ്യാനുള്ള ഉപകരണങ്ങളും നല്കി. ആക്ടീവ് ഗ്രൂപ്പിനോട് കാലുകള് നീട്ടാനും ഓരോ കാലും 50 പ്രാവശ്യം സങ്കോചിപ്പിക്കാനും നിര്ദേശിച്ചു. പാസീവ് ഗ്രൂപ്പിനോട് ചെയറിലിരുന്ന് കൊണ്ട് മെഷീനില് അവരുടെ കാലുകള് ചലിപ്പിക്കാനും ആവശ്യപ്പെട്ടു.
രണ്ടു ദിവസത്തിനു ശേഷം ആദ്യം കാണിച്ച 90 ചിത്രങ്ങള്ക്കൊപ്പം തന്നെ പുതിയ 90 ചിത്രങ്ങളും കൂടി കൂട്ടിയോജിപ്പിച്ച് കാണിച്ചു കൊടുടത്തു. ആക്ടീവ് ഗ്രൂപ്പ് 60 ശതമാനം ചിത്രങ്ങള് ഓര്ത്തപ്പോള് പാസീവ് ഗ്രൂപ്പിന് 50 ശതമാനം ചിത്രങ്ങളാണ് ഓര്ത്തെടുക്കാന് സാധിച്ചത്.
ഇപ്പോൾ മനസ്സിലായില്ലേ? ജിമ്മില് പോയാല് രണ്ടുണ്ട് കാര്യം .അതായത് മസിലുരുട്ടാം കൂട്ടത്തില് ഓര്മ്മയും കൂട്ടാം. ഒരാഴ്ചയില് കുറഞ്ഞത് മൂന്ന് ദിവമെങ്കിലും ജിമ്മില് പോയി വ്യായാമം ചെയ്യുന്നവര്ക്ക് ഓര്മ്മശക്തി വര്ദ്ധിക്കും എന്നാണ് ഗവേഷകർ പറയുന്നത്. പ്രായമായവര് ജിമ്മില് പോകുന്നത് ഓര്മ്മശക്തി വര്ദ്ധിക്കാൻ സഹായകകരമാണ്. ദിവസവുമുള്ള ധ്യാനവും യോഗയും നല്ല ഫലം തരും.
അമിത മദ്യപാനം, ഉറക്കക്കുറവ് എന്നിവ ഓർമശക്തിയെ ബാധിക്കും. ആഹാരത്തില് കൂടുതലായി ഇലക്കറികളും പച്ചകറികളും ഉള്കൊള്ളിക്കുക, മല്സ്യം, കശുവണ്ടി, ചോക്കലേറ്റ്, വെളുത്തുള്ളി,കാബേജ്, കോളിഫ്ളവര്,ധാന്യങ്ങള്,കാപ്പി എന്നിവയും ഓർമശക്തികൂട്ടാൻ സഹായിക്കും
https://www.facebook.com/Malayalivartha