ഫ്രോട്ടെറിസ്റ്റിക് ഡിസോഡര് (മറ്റുള്ളവരെ ഉരുമ്മി ലഭിക്കുന്ന ലൈംഗിക സംതൃപ്തി) രോഗമോ?
തിരക്കുള്ള ബസ്സിലും പൊതുസ്ഥലങ്ങളിൽ വെച്ചും മറ്റുള്ളവരുടെ ദേഹത്ത് സ്വന്തം ലൈംഗികാവയവങ്ങൾ ഉരസി സംതൃപ്തി നേടുന്നവർ ഉണ്ട്. ഇത് ചികിത്സ അർഹിക്കുന്ന മനോരോഗമാണ്.
‘ഉരസുക‘ എന്ന് അർത്ഥം വരുന്ന ‘ഫ്രോട്ടെർ’ എന്ന ഫ്രഞ്ച് വാക്കിൽ നിന്നാണ് ‘ഫ്രോട്ടെറിസം’ എന്ന വാക്കുണ്ടായിട്ടുള്ളത്. . ഫ്രോട്ടെറിസ്റ്റിക് തകരാറുള്ള ഒരു വ്യക്തി, തന്നെ സംശയിക്കാത്ത ഇരയുടെ മേൽ സ്വന്തം ലൈംഗികാവയവങ്ങൾ ഉരസുന്നതിലൂടെ അതിരില്ലാത്ത ലൈംഗിക സംതൃപ്തി നേടുന്നു. സാധാരണയായി, ബസുകൾ, ട്രെയിനുകൾ, ഷോപ്പിംഗ് മാളുകൾ, ബാസാറുകൾ തുടങ്ങിയ ജനബാഹുല്യമുള്ള സ്ഥലങ്ങളും പൊതുസ്ഥലങ്ങളുമായിരിക്കും സാധാരണയായി ഇത്തരം വൈകല്യമുള്ളവർ തെരഞ്ഞെടുക്കാറുള്ളത്.
ഒരു വസ്തുവിനോടോ കുട്ടികളോടോ മൃഗങ്ങളോടോ ലൈംഗിക താല്പര്യം കാട്ടുന്ന തരത്തിലുള്ള പാരാഫിലിയ വൈകല്യമാണിത് (അസ്വാഭാവികവും അപകടകരവുമായ ലൈംഗികാഗ്രഹങ്ങൾ).
ഇത്തരത്തിലുള്ള വൈകല്യങ്ങൾ 15-25 വയസ്സിനിടയിലുള്ള പുരുഷന്മാരിലാണ് കൂടുതലായും കണ്ടുവരുന്നത്. മിക്കപ്പോഴും സ്ത്രീകളായിരിക്കും ഫ്രോട്ടെറിസത്തിന് ഇരയാവുന്നത്.
കാരണങ്ങൾ ( Causes )
ഫ്രോട്ടെറിസം തകരാറിനു കാരണമാവുന്ന ഘടകങ്ങൾ എന്തൊക്കെയാണെന്ന് വ്യക്തമായി തിരിച്ചറിയാൻ കഴിഞ്ഞിട്ടില്ല. ആകസ്മികമായി ഫ്രോട്ടെറിസം നടക്കുകയും അതുവഴി ലൈംഗികാവേശം അനുഭവിക്കുകയും ചെയ്യുന്നത് ഇത്തരത്തിലുള്ള പ്രവൃത്തികൾ ആവർത്തിക്കുന്നതിനു മിക്കപ്പോഴും കാരണമാകുന്നത്. തുടക്കത്തിൽ, അടുത്തടുത്ത ഇടവേളകളിൽ ഫ്രോട്ടെറിസം നടക്കുകയും പിന്നീടത് ഒരു തകരാറായി പരിണമിക്കുകയും ചെയ്തേക്കാം.
ഇത്തരം വൈകല്യങ്ങൾ സാമൂഹ്യവിരുദ്ധ പ്രവർത്തനങ്ങളിൽ ഏർപ്പെടുന്ന സ്വഭാവം,ലൈംഗികതയിൽ അസ്വാഭാവികമായ താല്പര്യം,അതിരുകടന്നതും അമിതവുമായ ലൈംഗിക പ്രവർത്തികളും ആഗ്രഹവും എന്നിവക്ക് കാരണമായിത്തീരാം.
ലൈംഗിക തൃപ്തിക്കായി മാത്രം താല്പര്യമില്ലാത്ത വ്യക്തിയെ ആവർത്തിച്ച് സ്പർശിക്കുകയോ ഉരുമ്മുകയോ ചെയ്യുന്ന ഈ സ്വഭാവം
വ്യക്തിയുടെ സാമൂഹികവും തൊഴിൽപരവും വ്യക്തിപരവുമായ ജീവിതത്തിൽ പ്രശ്നങ്ങൾക്ക് കാരണമാകും.ഇത്തരം തകരാറുള്ളവർ ലൈംഗിക സംതൃപ്തിക്കായി മറ്റുള്ളവരുടെ ശരീരത്തിൽ സ്പർശിക്കുകയോ ഉരുമ്മുകയോ ചെയ്യുമെങ്കിലും വിമർശനവും ശിക്ഷയും ഒഴിവാക്കുന്നതിനായി അത് ബോധപൂർവമുള്ള പ്രവൃത്തിയാണെന്ന് സമ്മതിക്കില്ല.
ഒരു മനോരോഗവിദഗ്ധൻ/വിദഗ്ധയ്ക്ക് ഈ സ്വഭാവമുള്ളവരെ കൗൺസലിംഗ് വഴി മാറ്റിയെടുക്കാൻ കഴിയും. ചികിത്സയ്ക്ക് സ്വയം തയ്യാറാവുന്നവർക്ക് അവബോധപെരുമാറ്റ ചികിത്സ (ബിഹേവിയറൽ തെറാപ്പി), മന:ശാസ്ത്ര ചികിത്സ, മരുന്നുകൾ എന്നിവ നൽകും.വ്യക്തികളുടെ സ്വഭാവത്തിൽ വ്യത്യാസം വരുത്തുന്നതിനും ചിന്താക്രമത്തിൽ വ്യത്യാസം വരുത്തുന്നതിനും വീണ്ടുവിചാരമില്ലാതെയുള്ള ലൈംഗിക വിചാരങ്ങളെ അതിജീവിക്കുന്നതിനുള്ള പരിശീലനം നൽകുന്നതിനും ലക്ഷ്യമിട്ടുള്ളതായിരിക്കും ചികിത്സ.
ഈ തകരാർ ഉള്ളവരിൽ മറ്റു തരത്തിലുള്ള പാരാഫിലിയ തകരാറുകളും ഉണ്ടാകാൻ സാധ്യതയുണ്ട്. ഇരയ്ക്ക് ആളെ മനസ്സിലാകുകയും നിരന്തരമായി ഇത്തരം വൈകൃതം ആവർത്തിക്കപ്പെടുകയും ചെയ്യുന്ന അവസരത്തിൽ, നിയമ നടപടികളെ നേരിടേണ്ടിവരാം.
മിക്കവരും തങ്ങളുടെ തകരാറ് പരിഹരിക്കുന്നതിനായി വൈദ്യസഹായം തേടിയെന്നുവരില്ല. നിങ്ങൾക്ക് അല്ലെങ്കിൽ നിങ്ങളുടെ പരിചയക്കാർക്ക് ഇത്തരം വൈകല്യമുണ്ട് എങ്കിൽ, നിയമ പ്രശ്നങ്ങളിൽ ഉൾപ്പെടുന്നതിനു മുമ്പ് ഒരു മന:ശാസ്ത്ര വിദഗ്ധൻ/വിദഗ്ധയുടെ സഹായം തേടുക.
https://www.facebook.com/Malayalivartha