ആയുരാരോഗ്യത്തോടെ ജീവിക്കാൻ എല്ലാവർക്കും ഇഷ്ടമാണ്. എന്നും ആരോഗ്യത്തോടെയിരിക്കാൻ വളരെ ചെറിയ കാര്യങ്ങൾ ജീവിതത്തിൽ പാലിച്ചാൽ മതി. നാം പലപ്പോഴും അവഗണിക്കുന്ന ഇത്തരം കാര്യങ്ങൾ പലപ്പോഴും ഭാവിയിൽ ഗുരുതര പ്രശ്നങ്ങൾ ഉണ്ടാക്കാറുണ്ട്. മറ്റു ചിലപ്പോൾ അജ്ഞതമൂലവും ആരോഗ്യ പ്രശ്നങ്ങൾ ഉണ്ടാകാറുണ്ട്. ഇത്തരം ചില കാര്യങ്ങളാണ് ഇവിടെ സൂചിപ്പിക്കുന്നത്.
ഇപ്പോൾ ചെറിയ കുട്ടികൾ വരെ സ്മാർട്ട് ഫോണുകൾ കൈകാര്യം ചെയ്യുന്നുണ്ടല്ലോ? എപ്പോഴും ഇടതുചെവിയില്‍ ചേര്‍ത്തു പിടിയ്ക്കുക. കാരണം വലതുചെവി തലച്ചോറിനടുത്തു വരും. ഫോണിന്റെ വികിരണങ്ങള്‍ കൂടുതല്‍ ദോഷം ചെയ്യും. വീട്ടമ്മമാർ പൊതുവെ കറിക്കരിയുമ്പോഴും പാത്രം കഴുകുമ്പോഴും ഫോൺ വന്നാൽ തോളിൽ ഫോൺ വെച്ചു സംസാരിക്കുന്ന പതിവുണ്ട്. സ്പോണ്ടിലൈറ്റിസ് പോലുള്ള പ്രശ്നങ്ങൾ രൂക്ഷമാകാൻ ഈ ശീലം കാരണമാകും.

ഗുളിക കഴിച്ച ശേഷം ഉടനെ കിടക്കുന്നതും ഇരിയ്ക്കുന്നതും നല്ലതല്ല. കഴിയുമെങ്കില്‍ അല്‍പം നടക്കുന്നതായിരിയ്ക്കും, നല്ലത്.

സ്ട്രോബെറിയ്ക്ക് യൂറിക് ആസിഡിന്റെ ന്യൂട്രലൈസാക്കാനുള്ള കഴിവുണ്ട്. ആഴ്ചയില്‍ മൂന്നു ഗ്ലാസ് സ്ട്രോബെറി ജ്യൂസ് ഗുണം നല്‍കും.

ചെറുപ്പം മുതല്‍ ഒരു ഗ്ലാസ് പാല്‍ ശീലമാക്കുന്നത് പ്രായമാകുമ്പോൾ എല്ലുകൾക്കുണ്ടാകുന്ന പ്രശ്നം പരിഹരിയ്ക്കും.

വെള്ളം നല്ലപോലെ കുടിയ്ക്കണം. എന്നാല്‍ രാവിലെ സമയത്താണ് കൂടുതല്‍ വേണ്ടത്. രാത്രി വെളളം കൂടുതലാകുന്നത് മൂത്രശങ്ക ഉണ്ടാകുമെന്നതിനാൽ ഉറക്കത്തെ തടസപ്പെടുത്തും, മാത്രമല്ല, ദഹനത്തിനും നല്ലതല്ല.

ദിവസവും ഒരു തുളസിയില ചവച്ചരച്ചു കഴിയ്ക്കുന്നത് പല ക്യാന്‍സറുകളും അകറ്റും. ഇതുപോലെ ചെറുനാരങ്ങ ശീലമാക്കുന്നതു ശരീരത്തി ദുർമേദസ്സു വരാതിരിക്കാൻ ഉത്തമമാണ്.

ദിവസവും സെലറി കഴിയ്ക്കുന്നത് ക്യാന്‍സര്‍ വരാതെ തടയും, ബിപി കുറയ്ക്കും, പല്ലിനും മോണയ്ക്കുമുണ്ടാകുന്ന പ്രശ്നം ഒഴിവാക്കും.

രാത്രി 10മുതല്‍ രാവിലെ നാലു വരെയാണ് ഉറങ്ങാനുള്ള ഏറ്റവും നല്ല സമയം.ശരിയായി ഉറങ്ങുന്നത് പല ആരോഗ്യപ്രശ്നങ്ങൾക്കുമുള്ള പ്രതിവിധിയാണ്. രാത്രി ഏറെ നേരം കമ്പ്യൂട്ടർ ,ടി വി എന്നിവ നോക്കി ഇരിക്കുന്നത് കണ്ണിനും തലച്ചോറിനും ദോഷം ചെയ്യും.