നരച്ച മുടിയും കറുപ്പിക്കാം
തലമുടി നരയ്ക്കുന്നത് വാര്ദ്ധക്യത്തിന്റെ ലക്ഷണം ആയിരുന്നു . എന്നാല് ഇപ്പോള് പ്രായഭേദമെന്യേ പല ചെറുപ്പക്കാരേയും അലട്ടുന്ന ഒരു പ്രശ്നമാണ് അകാല നര. ഇതുണ്ടാക്കുന്ന മാനസിക പ്രശ്നങ്ങള് ചില്ലറയല്ല.അമിതമായ ടെന്ഷനും പരിസര മലിനീകരണവും ഒപ്പം താളം തെറ്റിയ ജീവിത ശൈലികളും മറ്റും ചെറുപ്പക്കാരിലും നര വളര്ത്തുകയാണ്.
നരച്ച മുടി മൂലം ചിലർക്ക് ഉള്ളതിൽ കൂടുതൽ പ്രായം തോന്നിച്ചേക്കാം. ഇത് അവർക്കു വലിയ മനോവിഷമത്തിന് ഇടയാക്കുന്നു. മുടി നരയ്ക്കാന് തുടങ്ങിയാല് ഇനി കറുക്കിലെന്ന് കരുതി മാർക്കറ്റിൽ കാണുന്ന ഹെയർ ഡൈകളെല്ലാം പരീക്ഷിക്കാൻ തുടങ്ങും. ഫലമോ? കുഞ്ഞു കുഞ്ഞു നര ഉണ്ടായിരുന്നത് ഏറെ താമസിയാതെ വെഞ്ചാമരമായി മാറും . ഡൈ ചെയ്യുന്നതിന്റെ പാർശ്വ ഫലങ്ങൾ വേറെയും
സ്വാഭാവിക രീതിയില് മുടി കറുപ്പിയ്ക്കുവാന് ചില വഴികളുണ്ട്. ഈ വഴികള് ഏതൊക്കെയാണെന്ന് നോക്കാം
* ചെറിയ ഉള്ളി
ചെറിയ ഉള്ളി മുഴുവനായി വെളിച്ചെണ്ണയില് മൂപ്പിച്ചെടുത്ത് ആ എണ്ണ മുടിയില് തേയ്ക്കുന്നത് അകാല നര ഇല്ലാതാക്കും. ഉള്ളി നീര് തലയില് പുരട്ടുമ്പോള് തലയോട്ടിയില് രക്തയോട്ടം വര്ദ്ധിക്കുമെന്ന് മാത്രമല്ല തലയിലുണ്ടാവുന്ന ബാക്ടീരിയയേും പേന്, താരന് പോലുള്ള പ്രശ്നങ്ങളെയും ഇല്ലാതാക്കും.
* ഇഞ്ചി
ഇഞ്ചിയില് അല്പം പാല് ചേര്ത്ത് പേസ്റ്റാക്കുക. ഇത് തലയില് തേച്ചു പിടിപ്പിയ്ക്കാം. 10 മിനിറ്റു കഴിഞ്ഞ് കഴുകിക്കളയാം. ആഴ്ചയില് ഒരിക്കല് ഇതു ചെയ്താല് ഗുണം ലഭിയ്ക്കും.
* തേന്
കുളിയ്ക്കുന്നതിനു മുന്പ് അല്പം തേന് മുടിയില് പുരട്ടുക. 15 മിനിറ്റു കഴിഞ്ഞ് കഴുകിക്കളയാം. മുടിയ്ക്ക് കറുപ്പു നിറം തിരികെ ലഭിക്കും.
* സവാള
സവാള അരച്ചതും സവാളയുടെ നീരുമെല്ലാം മുടിയില് തേച്ചു പിടിപ്പിയ്ക്കുന്നത് മുടിയുടെ കറുപ്പ് തിരിച്ച് കിട്ടാന് സഹായകമാകും.
* നെല്ലിക്ക
നെല്ലിക്ക അരച്ചതോ നെല്ലിയ്ക്കാപ്പൊടിയോ തലയില് തേയ്ക്കുന്നത് മുടിയ്ക്ക കറുപ്പു നിറം നല്കും. നെല്ലിക്ക കഴിയ്ക്കുന്നതും നെല്ലിക്കാ ജ്യൂസ് കുടിയ്ക്കുന്നതുമെല്ലാം നല്ലതാണ്.
https://www.facebook.com/Malayalivartha
