ദിവസവും ഒരു ടീസ്പൂണ് പപ്പായക്കുരു കഴിക്കൂ
നമ്മുടെ പറമ്പിലും വേലിയ്ക്കലും ഉണ്ടായിരുന്ന പപ്പായ ഇന്ന് അപ്രത്യക്ഷമായികൊണ്ടിരിക്കുവാണ്. പപ്പായയുടെ ഗുണങ്ങളെകുറിച്ചു നമുക്കറിയാം. എന്നാല് പപ്പായയുടെ കുരുവിന് വളരെയധികം ഔഷധപ്രാധാന്യമുണ്ടെന്ന് ആര്ക്കും അറിയില്ല. പപ്പായകുരു കളയുകയാണ് പതിവ്. എല്ലാദിവസവും ഒരു ടീസ്പൂണ് പപ്പായക്കുരു കഴിച്ചാല് നിങ്ങളുടെ കരളിലെ മാലിന്യങ്ങളെ ശുദ്ധീകരിക്കാന് സഹായകമാണ്.
ജപ്പാന്കാരുടെ വിശ്വാസമനുസരിച്ച് എല്ലാദിവസവും പപ്പായക്കുരു കഴിച്ചാല് കരളിന് രോഗങ്ങളൊന്നും ബാധിക്കില്ലത്രേ. പപ്പായക്കുരുവില്നിന്നുണ്ടാകുന്ന പപ്പെയ്ന് എന്ന എന്സൈം നിങ്ങളുടെ ദഹനശക്തി വര്ധിപ്പിക്കും. കഴിച്ച ഭക്ഷണത്തെ എളുപ്പം ദഹിപ്പിച്ച് വയറു ശുദ്ധിയാക്കും. ആന്റി ബാക്ടീരിയല് ഗുണങ്ങളുമുണ്ട് പപ്പായക്കുരുവിന്.
വയറിലെ കൃമിശല്യം ഇല്ലാതെയാക്കാന് കുട്ടികള്ക്ക് ഇതുപകരിക്കും. അര്ബുദത്തിനു കാരണമായേക്കാവുന്ന കോശങ്ങളുടെ വളര്ച്ചയെ പപ്പായക്കുരു പ്രതിരോധിക്കുന്നു. പപ്പായ കൃത്യമായി കഴിച്ചാല് ഭാവിയില് അര്ബുദം പിടിപെടാന് സാധ്യത കുറവാണ്. വൃക്കയുടെ ആരോഗ്യത്തിനും പപ്പായക്കുരു ഉത്തമമാണ്.
വൃക്കയുടെ ശുദ്ധീകരണപ്രവര്ത്തനങ്ങളെ ഇതു ത്വരിതപ്പെടുത്തുന്നു. പനിയുള്ളപ്പോള് കഴിച്ചാല് രോഗശമനത്തിനും ഇതു സഹായകരമാണ്. കൊച്ചുകുട്ടികള്ക്കു ഡോക്ടറുടെ നിര്ദേശപ്രകാരം മാത്രമേ പപ്പായക്കുരു നല്കാവൂ. ചിലര്ക്ക് ഇതിനോടു അലര്ജി ഉണ്ടായേക്കാം. ഗര്ഭിണികള് ഒരു കാരണവശാലും പപ്പായക്കുരു കഴിക്കരുത്.
https://www.facebook.com/Malayalivartha