ആരോഗ്യവും പൂര്‍ണവളര്‍ച്ചയുമുള്ള കുഞ്ഞുങ്ങളാണ് ഒരു കുടുംബത്തിന്റെ പൂര്‍ണത. ജീവിതശൈലിയില്‍ വന്ന മാറ്റങ്ങളും ഉദ്യോഗസ്ഥിരത കൈവരിക്കുന്നതു വരെ ഗര്‍ഭധാരണത്തിനു തയ്യാറാകില്ലെന്ന നിലപാടുകളും ഏറെക്കുറെ താമസിച്ചുള്ള ഗര്‍ഭധാരണത്തിനു കാരണമാകുന്നുണ്ട്.

പ്രായം കൂടുമ്പോള്‍ നമ്മുടെ ആരോഗ്യസ്ഥിതിയിലും കാര്യമായ മാറ്റങ്ങള്‍ വന്നു കൊണ്ടിരിയ്ക്കുകയാണ്. ഗര്‍ഭവും പ്രസവവുമെല്ലാം വൈകിക്കുന്നത് കൂടുതല്‍ സങ്കീര്‍ണതകള്‍ക്ക് കാരണമാകും. പ്രായം കൂടുന്തോറും അണ്ഡത്തിന്റെ എണ്ണവും ശക്തിയും കുറയുന്നു. ഇത് വന്ധ്യത പോലുള്ള പ്രശ്‌നങ്ങളിലേക്ക് നയിച്ചേക്കാം

ഗര്‍ഭധാരണത്തിനു ഏറ്റവും അനുയോജ്യമായ പ്രായം 22 മുതല്‍ 35 വയസ്സ് വരെയാണ്.ഇരുപത് വയസിനു മുന്‍പുള്ള ഗര്‍ഭധാരണം പ്രായക്കുറവ് കൊണ്ടുള്ള ശാരീരിക പ്രശ്‌നങ്ങള്‍ക്കും, മുപ്പത്തിയഞ്ച് വയസിനു ശേഷമുള്ള ഗര്‍ഭധാരണം പ്രായക്കൂടുതല്‍ കൊണ്ടുള്ള ശാരീരീക മാനസിക പ്രശ്‌നങ്ങള്‍ക്കും ഗര്‍ഭസ്ഥശിശുവിന്റെ ജനിതക വൈകല്യങ്ങള്‍ക്കും കാരണമാകാം.

വളരെ സൂക്ഷ്മമായി സൃഷ്ടിച്ചിരിക്കുന്ന ഒരു ജനിതകഘടനയാണ് ഗര്‍ഭസ്ഥശിശുവിന്റേത്. അതായത് ഇരുപത്തിമൂന്ന് ജോഡി ക്രോമസോം അമ്മയില്‍ നിന്നും ഇരുപത്തിമൂന്ന് ജോഡി ക്രോമസോം അച്ഛനില്‍ നിന്നും സംയോജിച്ചാണ് നാല്‍പ്പത്തിയാറ് ജോഡി ക്രോമസോം രൂപപ്പെടുന്നത്.ഈ ജനിതകഘടനയില്‍ പാകപ്പിഴകള്‍ ഉണ്ടാകുമ്പോള്‍ ഗര്‍ഭസ്ഥശിശുവിന്റെ വൈകല്യങ്ങള്‍ക്ക് കാരണമാകുന്നു. ക്രോമസോം നമ്പറുകള്‍ക്ക് എന്തെങ്കിലും തരത്തില്‍ കുറവുകള്‍ സംഭവിച്ചാലും അത് കുഞ്ഞിന്റെ ജനിതകപരമായ വൈകല്യങ്ങൾക്ക് കാരണമാകും.

ക്രോമസോമിനു ഒരു ഘടനയുണ്ട്, അതിനു വ്യത്യാസമുണ്ടായാല്‍ വൈകല്യങ്ങള്‍ ഉണ്ടാകാനുള്ള സാധ്യതയുണ്ട്. ഇത് കുഞ്ഞിന്റെ ബുദ്ധിവളര്‍ച്ചയെ ദോഷമായി ബാധിക്കും.

കൂടാതെ അബോർഷൻ, കുഞ്ഞിന് തൂക്കക്കുറവ് ,മാസംതികയാതെയുള്ള പ്രസവം തുടങ്ങിയവയെല്ലാം വൈകിയുള്ള ഗര്‍ഭധാരണത്തിന്റെ ഫലമാണ്.പ്രായമേറിയവരില്‍ പ്രസവസമയത്ത്ഗര്‍ഭപാത്രംചുരുങ്ങാത്തതുംഅതിന് സമയമെടുക്കുന്നതും രക്തസ്രാവംവര്‍ദ്ധിക്കാന്‍കാരണമാകുന്നു.

അതിനാൽ കഴിവതും മറ്റ് ആരോഗ്യ പ്രശ്നങ്ങളില്ലാത്ത വിവാഹിതയായ സ്ത്രീകൾ 22 -25 വയസ്സിനുള്ളിൽ തന്നെ ആദ്യ പ്രസവത്തിനു തയ്യാറെടുക്കുന്നതാണ് അഭികാമ്യം.