മീസില്സ് - റൂബെല്ല പ്രതിരോധ കുത്തിവെപ്പിന് ഇന്ന് തുടക്കമായി
മീസില്സ് - റൂബെല്ല പ്രതിരോധ കുത്തിവെപ്പിന് തുടക്കം കുറിച്ചുകൊണ്ടുള്ള ജില്ലാതല ഉദ്ഘാടനം ഇന്നു രാവിലെ ആറ്റിങ്ങല് ഗവ. ഗേള്സ് ഹയര് സെക്കൻഡറി സ്കൂളില് നടന്നു. നാളെ മുതൽ ഒരുമാസം കാലയളവിൽ (നവംബർ 3) വരെയാണ് പ്രതിരോധ കുത്തിവയ്പ്പ് കാംപയിന് നടക്കുന്നത്.
ദേശീയ പ്രതിരോധ കുത്തിവയ്പിന്റെ ഭാഗമായി എടുക്കുന്ന മീസില്സ് വാക്സിനേഷനു പുറമെ ഒന്പതുമാസം മുതല് 15 വയസുവരെയുള്ള മുഴുവന് കുട്ടികള്ക്കും ഒരു അധിക ഡോസ് എം.ആര് വാക്സിന് കൂടി നൽകുകയാണ് ചെയ്യുന്നത്. ഇതിന്റെ ഭലമായി മീസില്സിനെ(അഞ്ചാംപനി) ഭൂമുഖത്തു നിന്നു തുടച്ചുനീക്കുകയും റൂബെല്ലയെ (ജര്മന് മീസില്സ്) നിയന്ത്രണ വിധേയമാക്കുകയും ചെയ്യുകയാണ് ഈ പദ്ധതി ലക്ഷ്യമിടുന്നത്.
ഈ അധിക ഡോസ് വാക്സിനേഷൻ സ്കൂളുകള്, അങ്കണവാടികള്, ആരോഗ്യകേന്ദ്രങ്ങള് എന്നിവിടങ്ങളിൽ നിശ്ചിത ദിനങ്ങളില് ഡോക്ടര്മാരുടെ നേതൃത്വത്തില് സൗജന്യമായി പ്രതിരോധ കുത്തിവയ്പ്പു നൽകുന്നതിലൂടെ ആണ് നടപ്പാക്കുന്നത്.
https://www.facebook.com/Malayalivartha
