വിഷാദരോഗം ഇന്നും ഭൂരിഭാഗം ആളുകളിലും കാണാനുണ്ട്. ഇത് മനസിന്റെ ഒരു അവസ്ഥയാണ്. ശ്രദ്ധിക്കാതിരുന്നാല്‍ ഇത് മരണകാരണംവരെയാകാം. അകാരണമായ ഭയം, മറ്റുളളവരില്‍ നിന്നൊഴിഞ്ഞുമാറി ഒറ്റയ്ക്കിരിക്കാന്‍ തോന്നുക, സന്തേഷമില്ലായമ, ഒന്നിനോടും താല്‍പര്യമില്ലായ്മ എന്നിവയെല്ലാം വിഷാദരോഗത്തിന്റെ ലക്ഷണമാണ്. കൗണ്‍സിലിംഗ് ആണ് ഈ രോഗാവസ്ഥയ്ക്ക ഡോക്ടര്‍മാര്‍ നിര്‍ദേശിക്കുന്നത്. വൈദ്യലോകം പുതിയ വഴികളും മറ്റും തേടിക്കൊണ്ടിരിക്കുന്ന ഈ കാലഘട്ടത്തില്‍ വിഷാദരോഗം അകറ്റാന്‍ പുതിയ ഒരു വഴി കണ്ടെത്തിയിരിക്കുകയാണ്.

വീഡിയോ ഗെയിം കളിക്കുന്നതിലൂടെ വിഷാദമകറ്റാന്‍ സാധിക്കുമെന്നാണ് ഗവേഷകര്‍ കണ്ടെത്തിയിരിക്കുന്നത്. കൗണ്‍സിലിംഗിനേക്കാള്‍ ഇത് കൂടുതല്‍ പ്രയോജനപ്രദമാണെന്നാണ് ഗവേഷകരുടെ അഭിപ്രായം. സ്പാര്‍ക്‌സ് എന്ന പേരില്‍ തയ്യാറാക്കിയ ഈ ഗെയിം ഒരു 3ഡി ആനിമേഷന്‍ ഗെയിമാണ്. ഏത് സാഹചര്യങ്ങളും വെള്ളിവിളികളും എങ്ങനെ രമ്യമായി പരിഹരിക്കാം എന്ന രീതിയിലാണ് ഗെയിം തയ്യാറാക്കിയിരിക്കുന്നത്.