കാലിന്മേൽ കാൽ കയറ്റി വച്ച് ഇരുന്നാൽ...
മിക്കവാറും ആളുകൾ ഇരിക്കുന്നത് കാലിന്മേൽ കാൽ കയറ്റിവച്ചാണ്. കാലിന്മേൽ കാൽ കയറ്റി ഇരിക്കുന്ന ആണുങ്ങളെ സാധാരണ ആരും ഒന്നും പറയാറില്ലെങ്കിലും സ്ത്രീകളെ മുതിർന്നവർ ഇതിന്റെ പേരിൽ ശകാരിക്കാറുണ്ട്. പണ്ടു കാലത്ത് സ്ത്രീകള് കാലിന്മേല് കാല് കയറ്റിയിരിയ്ക്കരുതെന്നു കാരണവന്മാര് പറയുമായിരുന്നു. അഹങ്കാരമുള്ള സ്ത്രീകളുടെ ഇരിപ്പുശീലമാണിതെന്നായിരുന്നു കാരണവന്മാർ പറഞ്ഞിരുന്നത്. ഇത്തരത്തിൽ ഇരിക്കുന്നത് ആരോഗ്യത്തെ വളരെ ദോഷകരമായി ബാധിക്കുമെന്നാണ് വിദഗ്ദ്ധര് പറയുന്നത്.
ഇത്തരത്തിൽ ഇരുന്നാൽ സ്ത്രീകളില് രക്തപ്രവാഹവും വായുപ്രവാഹവും കുറയുകയും വജൈനല് യീസ്റ്റ് അണുബാധകള്ക്കു കാരണമാകുകയും ചെയ്യും. കാലുകള് പിണഞ്ഞിരിയ്ക്കുന്ന ഈ ശാരീരികാവസ്ഥ നടുവേദന, കഴുത്തുവേദന എന്നിവയ്ക്കും കാരണമാകും. ഇത് ശാരീരിക നിലയെ ബാധിയ്ക്കുന്നതാണ് കാരണം. അരക്കെട്ടിനെയും ഇത് ബാധിക്കും. ഈ ഇരിപ്പ് ശരീരത്തിന്റ ബിപി കൂട്ടാനുള്ള ഒരു പ്രധാന കാരണമാണെന്നു പഠനങ്ങള് പറയുന്നു. ഇതേ രീതിയില് 15 മിനിറ്റില് കൂടുതലിരിയ്ക്കുന്നത് കാലുകള്ക്കും നടുവിനും താല്ക്കാലിയമായെങ്കിലും മരവിപ്പുണ്ടാക്കും. ഇത് കൂടുതല് ഗുരുതരമാകുമ്പോള് സ്ട്രോക്ക് വരെയുണ്ടായേക്കാം.
ഗര്ഭിണികള് കാലിന്മേല് കാല് കയറ്റിയിരിയ്ക്കുന്നത് കാല്വേദനയ്ക്ക് കാരണമാകും. കാലിന്മേല് കാല് കയറ്റി സ്ത്രീകളിരിയ്ക്കുന്നത് ഗര്ഭപാത്രത്തിന്റെ ആരോഗ്യത്തിനും നല്ലതല്ല. മാസമുറ ക്രമക്കേടുകള്ക്കും ഇതു കാരണമാകും. ഏറെ നേര ഇങ്ങനെ ഇരിക്കുമ്പോള് രക്തസമ്മര്ദ്ദം കൂടുകയും നാഡികള്ക്ക് സമ്മര്ദ്ദമേറുകയും ചെയ്യുന്നു. ചിലരിലെങ്കിലും ഇത് നാഡികള് സ്തംഭനവും അതുവഴി മസ്തിഷ്ക്കാഘാതവും ഉണ്ടാകാൻ സാധ്യത കൂട്ടുന്നു. അതുപോലെ രക്തയോട്ടത്തിന്റെ വേഗം കുറയാനും ഇത് കാരണമാകും. ഇതിലൂടെ കാലുകള്ക്കും കൈകള്ക്കും തളര്ച്ച അനുഭവപ്പെടാനും ഇടയാകും. ഇടുപ്പിലെ ആന്തരിക-ബാഹ്യ പേശികളെ ഇത് ഹാനികരമായി ബാധിക്കും. വെരിക്കോസ് വെയിൻ എന്ന അസുഖം വരാനുള്ള സാധ്യത വർധിപ്പിക്കുകയും ചെയ്യും.
https://www.facebook.com/Malayalivartha
